Hugmyndasvampurinn: apríl 2010

Ég bara verð að deila með ykkur þessari skemmtilgu og flottu barnafatabúð sem er hægt að finna í Danmörku.

Búðin heitir MarMar

Endilega tékkið á henni :)

Skemmtilegt fuglabúr/fiskabúr :)

Þetta nýstárlega búr var til sýnis á einni af fjölmörgum sýningum sem fram fóru á hönnunarsýningunni Salone di Milano nú í Apríl :)

Ef ég mundi opna búð....

....þá mundi ég opna svona búð :)

Einfalt mál... það eina sem þarf er stór gámur með gluggum og hurð og svo einhverjar svakalega flottar vörur til sölu. Hugsa sér... maður gæti ferðast með búðina landshornana á milli ef manni langaði til :) - snilld :)

Þessi búð er stödd í Mílano og vakti lukku á hönnunarsýningunni Salone di Milano 2010 :)

Skemmtilegt Skart :)

Ég væri að ljúga af ykkur ef ég segði að ég væri alltaf með eitthvað skart á mér... það eina sem ég nota dagsdaglega eru tveir hringir sem hafa tilfinningalegt gildi... eyrnalokka get ég ekki haft og hálsmen gleymi ég iðulega að nota...

....en það er ekki þar með sagt að ég elski ekki skart :) - Mér finnst skemmtilegast í heimi þegar ég er með eitthvað fallegt skart á mér sem er eitthvað öðruvísi og skemmtilegt (þegar ég man eftir því).

Þessi fallegu hálsmen væri ég t.d. til í að eiga... allavega eitt af þeim. En þau eru hægt að fá hjá Stones&Honey :)

Ég er fallin fyrir þessari skemmtilegu búð sem ber að geyma skemmtilega öðruvísi og fallegt hárskraut :)

Tékkið á þessari búð hér.

The volcanic ash observing chair.

Ég sá þetta skemmtilega módel af Eyjafjallajöklastólnum á erlendri hönnunarsíðu... mér fannst þetta frekar fyndið :) Hér getið þið skoðað þetta betur.

Góða helgi :)

Henti nokkrum krúttmyndum inn í tilefni þess að komin sé helgi og allir slappa nú af :)

vonandi einkennist helgin ykkar af fersku lofti og lítilli ösku... :)

Drauma leikmotturnar!

Ég vildi óska þess að ég hefði átt svona mottur í herberginu mínu þegar ég var lítil :)

en þessar mottur er hægt að fá í búðinni Bubbabling sem er mjög skemmtileg búð fyrir krakka :)

Sliding House

Ég verð bara að deila með ykkur þessu ótrúlega flotta húsi eftir dRMM Arkitekta. Húsið er staðsett í Suffolk, UK. En það er bara eitt það sniðugasta hús sem ég hef séð...og ég væri alveg til í að eiga svona hús... spurning bara hvort að það henti íslenskri veðráttu :)

Húsið virkar þannig að ytri byrði hússins er á brautum og getur auðveldlega rennt yfir glerhýsið og veitt því skjól... og líka búið til skjól og fallega verönd fyrir framan það.

Mér finnst þetta frekar flott!

Fléttur

Ég vildi að ég kynni að gera svona sjálf í hárið mitt... og kannski bara líka að hárið á mér væri auðveldara viðureignar ;)

- en mér finnst þessi greiðsla alveg mjög töff :)

Gömlu eldhússtólarnir hennar mömmu.

Þetta eru nákvæmlega eins stólar og voru í eldhúsinu heima hjá mér þegar ég var lítil. Nema, það er búið að nútímavæða þessa örlítið :) - mér finnst þetta skemmtileg útkoma... svo er líka hægt að hafa fæturna alla mismunandi á litinn :)

Nú vildi ég óska þess að gömlu stólarnir hennar mömmu væru ekki ónýtir!

Haha!

Þetta er pottþétt taskan sem ég væri til í að fara með í millilandaflug... í handfarangri:)

Bökum köku!

mér finnst þetta svolítið fyndið og skemmtilegt kökuform... :) ekkert mál að skella í eina súkkulaðiköku :) - held samt að það yrði betra að nota silikon-form í slíkan bakstur :)

Tryllt pönk bindi :)

Ótrúlega fyndin og skemmtileg hugmynd af bindi fyrir mestu pönkarana :)

Hvaða töffari myndi ekki nota svona? - og svo þarf ekki einusinni að kunna bindishnútinn :)

Bakaríis-dagatal :)

mér finnst þetta alveg ótrúlega fyndið kökukefli... og sniðugt í piparkökubaksturinn jafnvel :)

Búð til að skoða í UK.

Búðin Cox & Cox er skemmtileg búð sem allir ættu að leita uppi sem eiga leið til Bretlands. En fyrir þá sem fara til London þá er búðin staðsett á 236 Gray's Inn Road. En það er ótrúlega margt að skoða í búðinni sem snýr að heimilinu, börnunum og veislunum. Jafnvel margt þar sniðugt að finna fyrir brúkaup fyrir þá sem plana það :) Hér fyrir neðan eru myndir af nokkrum hlutum sem ég væri til í að eignast frá búðinni :) R