Hugmyndasvampurinn

Bara gaman.

2012-01-28T20:42:00.001Z

Á myndinni hér fyrir neðan má sjá kertapoka sem sérstaklega eru gerðir til þess að vera með kerti í. Ofsalega fallegir og skapa fallega stemmningu í skammdeginu. En pokarnir eru til sölu ásamt fleiri skemmtilegum og flottum stemmningsvörum í vef-versluninni Bara gaman.

Pokarnir eru flottir heima fyrir en svo eru þeir líka flottir í veislur ;) - Svona ef einhver er að fara að gifta sig :)

Maude & Tilda töskur

2012-01-25T22:54:00.000Z

Þessar töskur komu á markað á ný liðnu ári og eru frá merkinu Maude & Tilda.

Þær eru skemmtilega öðruvísi, tau-pokar sem gaman er að dröslast með því að hver poki hefur segir sinn djók um allar fallegu töskurnar sem að er svo erfitt að eignast eftir dýrustu og flottustu hönnuði heims.

Það er skemmtilegra að eiga svona frekar heldur en einhverja fake?

Litir sem gleðja augað í skammdeginu :)

2012-01-19T18:04:00.000Z

Stundum þarf maður bara að fá eitthvað sætt og sumarlegt í æð á veturna :)

Svona glaðlegir litir gera alveg sitt gagn og veita innblástur :)

Rómantískt hár.

2012-01-18T19:29:00.000Z

Finnst svo fallegt að hafa svona rómantískar hárgreiðslur. Þær hitta beint í mark hjá mér :)

Verst hvað mitt hár er erfitt viðureignar sökum þess hversu þykkt það er...

DIY: Ljósastjakar

2012-01-16T23:06:00.000Z

Þessa fallegu ljósastjaka er ekki bara auðvelt að gera...það ætti líka að kosta lítið :)

Það er fallegt að vera með svona gamlar byggingar í svarthvítu, lýstar upp í glugganum í skammdeginu... svona núna þegar að blessuð jólaljósin eru farin eða að fara.

Það sem til þarf eru útprentaðar myndir af gömlum fallegum byggingum. Eða þá bara að nýta myndir úr tímaritum, auglýsingum eða annað.

Svo þarf góð skæri eða góðann hníf, límband og svo til þess að forðast eldsvoða þá er best að nota svona batteríis-sprittkerti. Þau eru til út um allt nú til dags.

Svo er að byrja að klippa. Útlínurnar af byggingunni klipptar þannig að himinn fari af og svo er líka svakalega flott að skera út gluggana í húsinu..þannig að það lýsi eins og það sé kveikt inní húsinu :)

Þá er límbandið notað til að líma þetta í hring.

Afskaplega fallegt og skapar kósý stemmningu :)

Shuffle Table

2012-01-15T00:04:00.000Z

Ég var ábyggilega ekki búin að sýna ykkur þetta gull og gersemi. Þvílíka Djásn sem þetta borð er.

Er búin að horfa á það núna í um ár og græt næstum alltaf... yfir því að eiga það ekki.

Borðið ber nafnið Shuffle Table og er eftir norska hönnuðinn Miu Hamborg. Framleitt af danska fyrirtækin &Tradition

Þetta borð er svo mikið ÉG eitthvað.... LOVIT!

5 o'clock

2012-01-11T13:22:00.008Z

Nika Zupanc útskrifaðist frá listaháskólanum í Ljubljana í Slóveníu árið 2000. Síðan þá hefur hún gert ótal margt og hannað fyrir mörg hönnunarfyrirtæki.

Þessa húsgagnalínu gerði hún í samstarfi við Moooi og nefnist hún 5 o'clock.

Frekar stílhrein húsgögn og mynstrið, sem minnir mann óneitanlega á skreytingar á gömlu postulínsbollunum, nýtur sín virkilega vel.

Leikum okkur að matnum :)

2012-01-09T17:30:00.001Z

Það var nánast sagt við mig í hverjum matartíma þegar ég var lítil "EKKI LEIKA ÞÉR AÐ MATNUM".

Ég var alltaf strax farin að búa til eitthvað úr matnum... af því að það er einfaldlega skemmtilegra að borða mat sem lítur út eins og eitthvað skemmtilegt...og svo borðar maður alltaf allt saman af því það er svo skemmtilegt :)

Ég skil því dóttir mína mjög vel þegar hún fer að búa til eitthvað... sem er svosem ekki ekkert svo oft því að ég er ansi dugleg að skreyta diskana hennar áður en hún fær þá... og með því móti borðar hún mun meira :)

Hér eru nokkrar skemmtilegar hugmydir.

Langar líka að segja ykkur frá Bento boxes....en það er voða í tísku núna (í útlöndum) að senda börnin með fallega skreytt nestisbox í skólann... sem eru eitthvað. Þarna má sjá eitthvað af nestishugmyndum...en ég hvet ykkur til að googla "Bento boxes". Því það er gaman að skoða þessa vitleysu :)

Árið 2011

2012-01-05T10:28:00.000Z

Ég hef tekið saman uppáhalds myndirnar mínar og færslur fyrir liðið ár, hvern mánuð fyrir sig.

Svona smá upprifjun á árinu hér á blogginu er bara nokkuð skemmtileg :)

Janúar var uppfullur af Do-It-Yourself verkefnum og góðum hugmyndum sem alltaf er gaman að glugga í og nýta sér.
Í Febrúar skoðaði ég mikið fallega hönnun.

HönnunarMarsinn stóð uppúr í Mars, en þá má segja að Íslensk hönnun blómstri með sýningum útum alla borg. Auðvitað stendur uppúr frumsýning okkar stallna á Örflögum í Norræna húsinu á hönnunarmarsinum :)

Apríl var rólegur, enda svo mikið um að vera í mánuðinum á undan í hönnun.
En í Maí fór allt að blómstra og fallegar, sumarlegar myndir hófu að hlaðast inn á bloggið :)

Í Júní keypti ég mér klukkuna Cuckoo sem prýðir stofuna mína... hjá mér stendur það uppúr enda líka svo ossalega gaman að eiga svona fallega hluti. Sumarið var í hávegum og allir í fríi :)

Júlí var einnig frekar rólegur, enda sumarfrí og slökun hjá bloggara og lesendum. En eitt er víst að Hidden Animal Teacups fóru á "langar í " listann minn...og eru þar enn.

Í Ágúst fór allt af stað aftur, bæði í hönnunarheiminum og á blogginu mínu. Mikið um dýrðir og fallega hönnun sem vert er að skoða:)
September var mjög annasamur mánuður hjá mér sökum þess að við kallinn vorum að leggja lokahönd á veitingastað sem við opnuðum í lok mánaðarins.

Október var líka mjög annasamur mánuður, enda veitingastaðurinn Galito ný opnaður og mikið um að vera þar. Lífið snérist um það þann mánuðinn.

Eins og alltaf þá voru Nóvember og Desember ótrúlega skemmtilegir og uppfullir af góðum hugmyndum fyrir jóla-föndrið, jólabaksturinn, hugmyndum af gjöfum eða hvernig flottast væri að pakka inn gjöfunum :)

Ég þakka bara ykkur frábæra fólki sem fylgist með blogginu fyrir að lesa og lofa að árið 2012 hér á blogginu mun bjóða uppá góða og skemmtilega lesningu, frábærar hugmyndir og fjör.

Postulín

2012-01-04T17:43:00.008Z

Anne Black er dönsk listakona, með vinnustofu í Kaupmannahöfn. Hún útskrifaðist úr Listaháskólanum í Kolding 1996 og hefur síðan þá gert postulínið að sínu aðal vörumerki. Það er hægt að gera ýmislegt annað en fína kaffibolla úr postulíni.

Hér er ein vörulínan hennar.

Skemmtilegar flísar sem eflaust væri hægt að leika sér með. Ég er sérstaklega hrifin af munstrinu með hinu klassíska viskustykkja munstri.
Svo get ég auðvitað ekki sleppt veggskrautinu. Ég held að ég sé sjúklegur veggskraut safnari...eða ég væri það ef ég léti allt eftir mér. Þarf þá líklega ekki að nefna það að ég væri alveg til í að eignast svona fugl á vegginn hjá mér.

Poki Design

2012-01-03T22:06:00.000Z

Poki er hannað af þeim Holm Giessler & Jennifer Heiman og er sería af húsgögnum sem öll hafa það sameiginlegt að hafa skúffu sem hefur ekki botn heldur poka.

Að mínu mati er þetta ótrúlega falleg samsetning á við og textíl og alveg ótrúlega vel heppnað :)

Ég er mjög skotin í þessu :)

Blúndur

2012-01-02T12:07:00.007Z

Hérna eru blúnduhúsgögn eftir Marcel Wanders. Ef þú vissir það ekki, þá er allt til í dag. Mér þykja þau mjög falleg fyrir augað, veit ekki með notagildið á hinu hefðbundna heimili.

Crochet Chair

Crochet Lamp

Crochet Table

Annars er þetta eitthvað sem ég gæti hugsað mér að eiga.

Ef einhver vildi vera svo æðislegur og demba sér í að búa til eitt svona teppi og gefa mér, þá myndi ég örugglega brosa allan hringinn í heilt ár. Ég legg amk ekki í það...ennþá.

Gleðilega hátíð

2011-12-25T14:47:00.006Z

Jólaskreyting

2011-12-21T21:42:00.002Z

Falleg og einföld jólaskreyting sem allir ættu að geta hent saman á "nó-tæm". :)

Dóttir&Sonur

2011-12-20T22:55:00.001Z

Úti í Berlín er íslenskt par, Tinna (grafískur hönnuður) og Ingvi (vef-hönnuður), að hanna saman skemmtilegar vörur undir vörumerkinu Dóttir&Sonur.

Ég get sagt ykkur það að ég er mjög hrifin af púðunum sem þau gera, og mér finnst skemmtilegur húmor í verkunum þeirra. :)

Ég er reyndar ekki viss um hvar hægt er að nálgast vörurnar þeirra hérna á íslandi...en ég er nokkuð viss um að þær séu í sölu hérna einhversstaðar :)

veit það einhver?

Þessi skemmtilegi púði hér fyrir neðan ber nafnið KR-Pillow :) - Við skagamenn gætum þurft að kaupa nokkra til þess að lúskra á ;)

Jólapakkinn :)

2011-12-18T10:55:00.000Z

Hér má sjá nokkrar hugmyndir af jólapökkum sem pakkaðir eru inn í brúnann pappír og skreyttir með hlutum sem til eru á heimilinu :)

HÉR má einnig finna gamla færslu frá því í fyrra með góðum hugmyndum fyrir jólapakkann :)

Jólagjafa-innpökkun :)

2011-12-18T10:51:00.000Z

Nú get ég mér þess til að flestar konur séu að byrjaðar að pakka inn gjöfunum fyrir jólin :) - ég byrjaði ekki fyrr en í gær og er komin með 3 sæta pakka :) Í ár ætla ég mér bara að pakka inn nokkrum á dag, því að ef ég geri alla í einu, þá verða þeir fyrstu voða fallegir en þeir síðustu frekar ljótir... enda 22 pakkar sem þarf að pakka inn á þessu heimili ;)

Mér finnst svolítið inn núna að vera með frekar einfaldann pappír. Brúnn málningapappír kemur sterkur inn í ár. Og garnið sem allir eiga nóg af er vinsælt í ár í staðinn fyrir borða. Einfalt en fallegt :)

Hér fyrir neðan er smá kennsla hvernig maður gerir sínar eigin slaufur. Úr einhverju fallegu einlitu efni, eða jafnvel fallegu skrautlegu efni sem rokkar upp pakkann :)

Föndrað úr ruslpóstinum.

2011-12-14T22:06:00.000Z

Ruslpósturinn er líklegast ódýrasta efni sem hægt er að finna í föndur. Það einfaldlega dettur beint inn um lúguna á hverju heimili landsins. Flestir auðvitað henda ruslpóstinum eða setja hann í grænu tunnuna. En það er líka hægt að föndra falleg snjókorn úr ruslpóstinum :)

Snjókornin verða mjög litrík og falleg...og henta vel á veggi sem eru ennþá auðir.

Hér eru nokkur snjókorn sem ég fann á einhverri erlendri síðu.... þetta er bara nokkuð fallegt og gefur heimilinu líf með fallegum litum :)

Jólatré - föndur

2011-12-13T17:52:00.001Z

Hér má sjá jólatré sem notuð eru sem skraut, sem auðvelt er að gera sjálfur :)

Mynd 1. Spítu jólatré, það sem þarf eru gamlar spítur, naglar og góð handsög :)

Mynd 2. Dagblaðs-jólatré. Það sem þarf eru gömul dagblöð, kork-keila (eða keila sem hægt er að nálgast hjá saumastofum eins og t.d. sokkaverksmiðjunni Trico o.fl. stöðum), límbyssa, tréstöng og blómapottur.

Mynd 3. Saumað-jólatré. Það sem þarf er grænn efnisbútur, kork keila í 3 stærðum jafnvel, saumavél, tréstöng, blómapottur eða eitthvað sem hægt er að láta tréstöngina standa í :)

Svo er um að gera að breyta þessu smá og fara sínar eigin leiðir :)

Jólakúlu jólatré

2011-12-12T15:09:00.007Z

Þetta þykir mér æðisleg hugmynd. Fallegt "tré" sem er hægt að stafla almennilega undir.

Fyrir þá sem vilja leggjast yfir alvöru jólaföndur og búa til sitt eigið tré, þá eru leiðbeiningar hérna.

Jóli kemur í kvöld!

2011-12-11T21:15:00.000Z

Stekkjastaur kemur í kvöld :)

The first Icelandic Santa is coming tonight to give the icelandic children little gifts in their shoe. ;)

We have 13 Icelandic Santa's and the name of tonight's Santa is STEKKJASTAUR :)

Jólakortin góðu

2011-12-11T01:12:00.001Z

Ég er alltaf búin að ákveða frekar snemma hvernig ég ætla að hafa jólakortin á hverju ári... nema þetta árið! Ég er jólakorta-hugmyndasnauð þessa dagana og enda örugglega með því að kaupa tilbúin kort þetta árið...

....djók

...ég meika það ekki, fyrst það að það er orðin hefð hjá mér að gera eitthvað rugl á hverju ári, þá get ég ekki breytt útaf vananaum...en mig vantar hugmyndir!

úff...

En meðan ég er að hugsa þetta allt saman þá er ég búin að finna út hvað hægt er að gera við kortin sem við fáum frá vinum og vandamönnum eftir að búið er að opna þau :)

Það má t.d. setja þau í svona fínann ramma....eða festa þau á greinar í vasa :)

eða festa þau með klemmu á band á góðum vegg :)

Það er allavega skemmtilegra að skreyta með þeim heldur en að setja þau í skál á borðið...er það ekki?

DIY: Pakka-merkimiðar

2011-12-09T21:33:00.001Z

Það er ekki flókið að gera sína eigin merkimiða...og líklega mjög margir sem spara sér peningana og gera þá sjálfir. Hér fyrir neðan er skemmtileg útfærsla af fallegum merkimiðum.

Til að byrja með má annaðhvort teikna með svörtum línu-penna eða prenta út úr tölvunni einhver skemmtileg form með fallegum kveðjum á. (þarf auðvitað ekki að vera þríhyrningur...má hvera hvað sem er).

Svo er það bara skóla-límið góða, og góður pensill eða svamp-pensill.

Svo er það þunni föndurpappírinn (man ekki hvað hann er kallaður)

Og svo er bara að byrja :)

Það má auðvitað leika sér með þessa aðferð á marga vegu...t.d. búa til sinn eigin jólapappír.

Mæli þá með að fólk kaupi teiknipappírs-rúllu í Ikea og pakki inn pökkum í fallega skreyttann pappír af rúllunni :)

Þegar piparkökur bakar..

2011-12-08T20:39:00.000Z

Líklegast eru einhverjir sem eiga eftir að baka piparkökur.

Fyrir þá sem eiga það eftir ættu kannski að prufa að gera nokkur svona MINI-piparkökuhús sem smellpassa á fallega stellið sem dregið er fram fyrir heita kakóið um jólin :)

Það skapar pottþétt góða stemmningu að bjóða svona með kaffinu og kakóinu :)

Gígur kertastjakar.

2011-12-06T21:57:00.001Z

Hér fyrir neðan sjáum við alveg GLÆNÝJA Íslenska hönnun nefnda Gígur.

Stjakarnir eru eftir Guðrúnu Valdimarsdóttur, vöruhönnuð, og eru gerðir úr mahóní og eru ætlaðir fyrir sprittkerti.

Stjakarnir koma í þremur mismunandi stærðum og eru handmálaðir í sjö mismunandi litum, þannig að þar ætti hver og einn að finna liti við sitt hæfi :)

Gígur er pottþétt kominn á óskalistann minn, enda einstaklega falleg og vönduð vara :)

Stjakarnir eru ný mættir í Epal og má því nálgast þá þar fyrir jólin.

Falleg jólagjöf!

Jólagott!

2011-12-06T11:16:00.000Z

Við bjóðum öll uppá eitthvað góðgæti fyrir og um jólin.

Sumir hafa mikið fyrir þvía ð baka og eyða öllum sínum frítíma í desember í bakstur...aðrir hafa þetta bara einfalt :) - 1-3 tegundir af smákökum... eins og t.d. ég. Á mínu heimili vill enginn borða þessar smákökur og ég enda oft með að henda þeim í febrúar.

En hér fyrir neðan er eitthvað sem allir væru til í að borða...:) Og þetta er alveg hrikalega einfalt !

Maður skellir í eina skúffuköku og sker hana svo út með góðu hringlóttu formi...t.d. piparköku formi :)

svo er það bara annaðhvort eitthvað gott krem eða rjóminn góði og stór og fín jarðaber :)

Jólahúfu-kökurnar tilbúnar! :)

Föndurstund

2011-12-05T18:21:00.010Z

Ég hef verið að föndra. Ég á alls ekki heiðurinn af hugmyndinni, heldur fann ég þetta á blogginu Ruffled. Ég ákvað nú samt að búa til nýjar leiðbeiningar, á íslensku.

Þetta eru líklega ekki verðlauna ljósmyndir en duga engu að síður.

Ég myndi ekki mæla með þessu sem föndurstund fyrir yngstu börnin, þar sem það getur verið stíft að klippa í pappírinn.

Ég notaði venjulegan 80 gr. pappír. Þessi sýnikennsla hérna fyrir neðan er gerð úr 3, A4 blöðum.

Ég mæli frekar með því að fólk byrji á að brjóta þversum á blaðið en ekki langsum eins og ég gerði. Ég var að prófa að gera á hinn veginn þegar ég tók myndirnar.

Maður byrjar á því að brjóta upp á blaðið eins og 1. myndin sýnir og heldur svo áfram þar til útkoman verður eins og á 2. myndinni. Engar áhyggjur ef síðasta uppábrettan verður minni en hinar, það er í raun betra.
Þar næst brýtur maður renninginn saman eins og á 3. mynd. Mér finnst best að láta síðustu uppábrettuna verða innan í, þá eru brúnirnar sem kyssast, svo til jafn breiðar.

Svo gatar/klippir maður. Í þetta skipti notaði ég stjörnu gatara sem ég átti og klippti mörg göt. Það er hægt að útfæra þetta á svo marga vegu með skærum eða öðrum göturum. Kemur líka mjög vel út að klippa endana til.
Næst tekur maður upp límið og límir opið saman.
Svo endurtekur maður öll skrefin tvisvar í viðbót og límir svo bitana 3 saman, einn í einu. Þá ertu kominn með heilan hring. Sem þú getur svo hengt upp.

Ég gerði tvær lita útgáfur, í tvo mismunandi glugga. Ég held að ég sé ekki búin ennþá, langar enn að bæta við.

Til að gera minni hringina þá klippti ég einfaldlega jafn mikið af þremur blöðum.
Þetta er það sem höfundur bloggsins, Ruffled gerði. Kemur hrikalega vel út á öðruvísi pappír, þess vegna nótnablöð. Ég komst hinsvegar ekki í neitt svoleiðis þegar fönduræðið kom yfir mig.

Hérna er þetta notað sem bakgrunnur fyrir myndatökur í brúðkaupi. Kemur rosalega fallega út.

Ég myndi borga einhverjum fyrir að gera þetta fyrir mig, því svona mikið tekur langan tíma að gera!

Aðventan :)

2011-12-03T14:32:00.000Z

Gestgjafinn var með þessar skemmtilegu hugmyndir af aðventukrönsum sem kostar ekki mikið að gera :)

Mjög smart :)

Pizzabakstur í desember.

2011-12-01T17:31:00.000Z

Á þessu heimili á að halda uppá að desembermánuður er genginn í garð, með pizzabakstri.

Að sjálfsögðu verða jólapizzur sem börnin elska að búa til og borða :)

Vertu velkominn Desember!

2011-12-01T09:27:00.000Z

1. Desember kominn í allri sinni dýrð!

Þegar við vöknuðum í morgun var alveg rosaleg snjókoma og jólalegra verður það ekki úti núna í blanka logni og snjó :)

Ég ákvað í tilefni dagsins að henda inn restinni af kransahugmyndum ársins... reyndar eru fyrstu tveir kransarnir smá upprifjun af gamla blogginu mínu... en það er allt í lagi því það eru ekki svo margir búnir að sjá þá :)

Það er svolítið skemmtileg hugmynd að nota rósakálið sem skreytingu... kemur fallega út! :)

Svo má líka nota afgangs garn sem til er á heimilinu til þess að vefja kransa... einhverja fallega liti :)

Þeir sem eru góðir í að þæfa ættu að vera snöggir að henda saman í svona krans... mér finnst hann alveg ÆÐI!

En þeir sem kunna ekki að þæfa kúlur geta líka látið þvottavélina sjá um það ásamt gömlum nælonsokkabuxum. En þá tekur maður ull í þeim lit sem hver vill...sirka eina lúku, setur neðst í sokkinn á sokkabuxunum og bindur hnút fyrir neðst... þá setur maður næstu kúlu fyrir ofan hnútinn og bindur fyrir, og svo koll af kolli. Það ættu að komast 4 - 5 kúlur í hverja skálm. Svo er þessu bara hent á stutt prógramm, sirka 30°c. í þvottavélina.

Voilá!

Það má nota ýmislegt í jólakrans!

2011-11-30T22:55:00.000Z

Jafnvel gömlu og ljótu hnífapörin sem eru bara fyrir í skúffunni ;)

En líklegast þarf þó að nota einhver góð verkfæri í föndrið :)

Litríkar snúruflækjur

2011-11-29T18:18:00.008Z

Góð lýsing gerir margt fyrir heimilið og getur myndað huggulega stemningu. Ekki skemmir fyrir ef rafmagnssnúrurnar væru aðeins meira fyrir augað, eins og þessar, sem Rie Elise Larsen hefur hannað.

Ég væri ekkert á móti því að upplifa litagleðina sem býr í þessu húsi. Skermarnir sem sjást hérna fyrir neðan eru líka eftir Rie Elise.

Til að skoða nánar er hægt að skella sér inn á síðu Hus og Hem.

Þar fást líka þessir æðislegu sparibaukar. Þeir hafa verið framleiddir af sömu verksmiðju í Finnlandi síðan ca. 1970.

Tjöld sem skera sig úr! :)

2011-11-28T21:41:00.002Z

Þetta er ekki beint jólaleg færsla... frekar bara svolítið sumarleg. En ég gat ekki annað en kynnt þessi fáránlega flottu tjöld fyrir ykkur!

Tjöldin skemmtilegu hér fyrir neðan eru öll framleidd undir merkinu FieldCandy... en það eru þau svo sannalega! - Tjöldin frá FieldCandy falla ekki inní tjald-hópinn á tjaldstæðum og eru ekki beint í felulitunum. Tjödlin eru öll þannig að allir taka vel eftir þeim, enda annaðhvort með mjög trylltum mynstrum eða myndum sem við erum ekki vön að sjá á tjöldum. :)

Ég er nú þegar búin að velja svona fimm tjöld sem ég væri alveg til í að eignast :)

Hægt er að kaupa tjöldin á síðunni hjá þeim :)

Þetta gæti verið frábær hugmynd að jólagjöf :)

Ég ætti nú kannski að láta ykkur vita að tjöldin eru öll framleidd í takmörkuðu upplagi :)

Svampurinn er kominn á facebook!

2011-11-27T23:28:00.000Z

Ég ætti kannski að láta ykkur vita, fyrir ykkur sem ekku vissu, en eruð þó dyggir lesendur hér á blogginu... þá er Svampurinn kominn með facbook-like síðu.

Ég ákvað að gera like síðu fyrir bloggið svo að facebook gæti látið lesendur vita strax og það dettur inn blogg. Þá kemur tengill frá facebook beint á bloggið :)

- Endilega gerið LIKE -

Facebookið!

Jólaskórnir í ár?

2011-11-26T22:30:00.000Z

Jah... það er allavega í tísku að vera í skóm með göddum... og mér finnst þeir svaðalegir!

Persónulegar jólakúlur!

2011-11-25T23:32:00.000Z

Þetta finnst mér OFSALEGA falleg jólagjöf! - Persónuleg jólakúla!

Þeir hjá Reiko Kaneko vinna í postulíni og gera þessar ótrúlega fallegu og skemmtilegu jólakúlur fyrir fólk ár hvert. Reyndar taka þeir pantanirnar í október... en það er ágætt að vita að því fyrir næsta ár... tíminn er hvort sem er svo fljótur að líða :)

Þeir eru líka með ýmislegt annað skemmtilegt gert úr postulíni sem gaman er að skoða... Njótið vel!

Jólapakka-innpökkun :)

2011-11-24T21:02:00.001Z

Mér finnst alltaf svo gaman að pakka inn gjöfunum fyrir jólin.. og það er orðin hefð að pakkarnir sem fara frá mér eru alltaf með eitthvað þema ár hvert :)

Þetta finnst mér ótrúlega skemmtileg hugmynd :) - grípa í saumavélina og sníða til nokkra jólapakka úr pappír sem að jafnvel börnin eru búin að teikna á... og sauma svo pappírinn saman.

En þá þarf líka að passa að sauma ekki í jólagjöfina sjálfa :)

Hvernig ætlið þið að pakka inn gjöfunum í ár?

Endilega látið í ykkur heyra...:)

Taska taska

2011-11-23T13:16:00.008Z

Ég kynni fyrir ykkur Bohemia, líflegar, handunnar leðurtöskur. Þær hafa verið framleiddar í Bretlandi frá 1960 og fást núna í 9 litum og nokkrum stærðum. Virkilega fallegar og eiga að endast út ævinna...hugsanlega ekki fyrir töskuböðla.

Showpony textíll

2011-11-22T04:43:00.012Z

Emma Henderson er skoskur vöruhönnuður. Hún fæst aðallega við textíl þessa dagana og hannar undir vörumerkinu Showpony.

Það sem hún hefur gert þykir mér skemmtilega skrítið (quirky) og uppfullt af húmor. Svo gengur hún líka út frá því að hafa þetta sem náttúruvænast.

Viskustykki, nafn með rentu.

Púðar fyrir dýravini, bakhliðin gefur þeim ennþá meiri karakter.

Þessir veskja-pokar eru bara æði. Gaman að versla í matinn með nokkra svona og spara plastið.

Hálsklúta-pokinn er ekki verri.

Litlar buddur, sem fara vel með budduna, sniðugt í jólapakkann til mín.

Hægt er að kaupa þetta bæði af síðunni hennar og á Etsy.

Fyrsta könglakrans tilraunin

2011-11-19T16:48:00.010Z

Ég tók mig til fyrir nokkrum vikum og týndi heil ósköp af könglum. Ég varð fyrir örlitlum vonbrigðum þegar ég kom heim og áttaði mig á því þeir voru allir lokaðir. En ég var staðráðin í að nota þá engu að síður og dreifði úr þeim til að þurrka þá.

Tveimur dögum síðar voru þeir orðnir þurrir og búnir að venjast hlýjunni og litu út eins og könglar út úr búð. (það er t.d. hægt að kaupa köngla í Garðheimum)

Mig langaði að búa til krans, haust-, vetrar-, aðventukrans. Ég hefði eflaust getað tekið fleiri myndir í gerð kransins en ég fattaði það ekki fyrr en of seint. Hérna er ég að vefja afgangs garni utan um krans sem ég keypti í IKEA. Það tók langan tíma, en ég fór 2 umferðir til að gera þetta aðeins þykkara.

Svo kláraði ég að líma könglana á með límbyssu. Ég var byrjuð að líma þegar ég ákvað að vefja hann.

Svo kom ég honum fyrir upp á skáp í stofunni.

Ég er líka svona hrikalega sátt með útkomuna. Fyrsti kransinn tilbúinn. Með hugmyndir fyrir tvo aðra sem ég á eftir að koma í framkvæmd.

Þetta er meðal annars efniviðurinn í næstu hugmynd. Mun deila útkomunni seinna í vikunni.

The Endless Table.

2011-11-16T22:33:00.000Z

The endless table er hannað af Wenchuman og er ótrúlega fyndið og skemmtilegt borð sem endalaust er hægt að minka og stækka. Borðið er sett saman með einingum sem hægt er að púsla saman og hver eining hefur einn fót. Það getur verið pínupons og svo getur það vaxið að vild. Það er hægt að hafa borðið bæði einlitt eða marglitað og hægt að leika sér endalaust með það :)

Endalausir möguleikar :)

Alvöru Babúska :)

2011-11-16T19:37:00.000Z

Tekið fyrir Nevertheless Magazine af ljósmyndaranum Atelier Olschinsky

ótrúlega falleg mynd!

Hjartans List

2011-11-15T17:42:00.000Z

Hjartans List er fjölskyldufyrirtæki sem að hjónin Bragi Baldursson og Guðrún Lísa Erlendsdóttir hafa rekið seinustu 3 áratugi. En fyrirtækið var með bás á Hanverk&Hönnun, sýningunni sem er á hverju ári í Ráðhúsi Rvk.

Í fyrra ætlaði ég að kaupa jólaskraut hjá þeim á sýningunni en þá var það sem mig langaði mest í uppselt! Auðvitað gat ég ekki annað en keypt mér fallegt jólaskraut hjá þeim á sýningunni í ár...enda alveg einstakt jólaskraut skorið út í krossvið og sprautulakkað. Ofsalega fallegt!

Þau eru líka með vörurnar sínar til sýnis og sölu á jólamarkaðnum sem haldin er í Hafnafirði á hverju ári.

Dýra/r skálar

2011-11-10T19:00:00.005Z

Þessar skálar eru æði. Hugmyndin er hreint út sagt frábær og litirnir eru svo fallegir.

Til þess að uppgötva afhverju skálin er svona undarleg í laginu þarf maður að hella vökva í hana. Örugglega ansi skemmtilegt að borða morgunkornið eða jógúrtina úr þessu.

Geraldine De Beco hannaði þær fyrir Bernardaud, þar sem þú getur keypt þær. En hinkraðu við. Verð á einni skál er mikið. Það að borga 4000 kr. fyrir eina skál undir morgunmatinn er mikið nema hvað, svona skál kostar rúmar 22.000 kr. miðað við gengið í dag. (þú mátt loka munninum núna)

Ef þú ert ekki á leiðinni til Frakklands í bráð, þá geturðu auðvitað látið senda þér. En þá bætist við sendingarkostnaður, vsk og tollur.

Dúfa, köttur og refur

Maður getur að minnsta kosti dáðst af þeim (ég ætla ekki einu sinni að láta mig dreyma).

Huggulegir skúlptúrar

2011-11-10T17:49:00.015Z

Fann nokkra fallega hluti sem Valerie Boy hefur gert. Hún hefur mikið verið að vinna skúlptúra og innsetningar byggða út frá ljósi. Þetta er svolítið minn stíll.

Loftljós

Skenkur, sem er nú nær því að vera skúlptúr

Veggljós, sem mér þykir ákaflega fallegt

Nærmynd af veggljósinu

Púði með ljósi inn í. Verð að játa að ég skil ekki alveg hvernig það virkar.

Verk sem hún hannaði fyrir móttöku á hóteli

Fluga

2011-11-08T12:15:00.000Z

Fluga Design var með mjög vinsælan bás á Hönnunar&Hanverkssýningunni í Ráðhúsi Reykjavíkur um síðastliðna helgi. Ég þurfti hreinlega að Troooðast að til að fá að sjá fallegu klútana sem þær frá Flugu voru að selja. Reyndar keypti ég mér ekki... og þessvegna labbaði ég út með smá eftirsjá-hnút í maganum þegar ég var búin að labba hringinn.

Mjög fallegir klútar frá Fluga Design úr ekta silki.

Blámi

2011-11-07T21:53:00.001Z

Hönnun og Handverk, sýningin í Ráðhúsi Reykjavíkur, var rétt í þessu að klárast. En sýningin var í gangi alla helgina og þar var margt undursamlega skemmtilegt að sjá... og auðvitað var hægt að kaupa ALLAR jólagjafirnar þar á einu bretti :)

Ég fór og kom út með sitt lítið af hverju... en á fyrsta básnum sem ég stoppaði við keypti ég mér gjafapappír.

Systurnar Hanna Margrét og Unnur Dóra hanna saman þennan skemmtilega gjafapappír sem er eftirprent af gömlum landakortum af Íslandi :) Hægt er að kaupa tvenns konar kort en annað kortið sýnir hvernig landið liggur í Stafholtstungum en ég er ekki alveg viss hvað hitt kortið sýnir.

Gjafapappírinn kom á markað fyrir jólin í fyrra og ég get ekki annað sagt en að gjafirnar verði svo miklu fallegri þegar þær eru innpakkaðar inn í kort af okkar ástkæru fósturfold :)

Pappírinn er framleiddur af sprotafyrirtæki þeirra systra sem kallast Blámi.

Kransar fyrir þá sem föndra

2011-11-05T18:26:00.015Z

Þó að það sé byrjun nóvember, þá langaði mig samt að deila þessu með ykkur. Mjög notalegt að dunda sér að föndra í nóvember skammdeginu. Ég er að springa úr spenningi að hefjast handa. Ég hugsa þó að ég endi á að gera svona 3-4, því ég get ómögulega gert upp hug minn. Þeir þurfa nefnilega ekki endilega að vera á útidyrahurðinni.

Kíkið á kransinn sem Guðrún gerði í fyrra hérna eða látið þetta veita ykkur meiri innblástur. Hérna er svo krans gerður úr kaffifílterum, með leiðbeiningum.

Rosalega skemmtilegur og líflegur þessi

Ef ykkur langar að prófa að gera svona kúlu-klasa-krans þá lítur það út fyrir að vera mjög einfalt, kíkið á leiðbeiningarnar.

Klassískur krans úr könglum

Krans fyrir jólakortin, hérna eru leiðbeiningar.

Þessi er úr brjóstsykri. Það væri gaman að sjá einn úr íslenskum karamellu kúlum.

Lítill krans úr bjöllum

Þessi þykir mér flottur, passar vel við hurðina, ég myndi þó vilja hafa hann í jólalegri lit.

Leiðbeiningar fyrir þennan köngla-blaðsíðna-krans hérna.

Þessi er hrikalega skemmtilegur. Gaman að gera hann í desember með börnunum. Leiðbeiningar frá Mörthu Stewart hér.

Sérkennilegur textíll

2011-11-05T17:30:00.005Z

Þetta er eitt af því stórkostlegasta og undarlegasta sem ég hef séð.

Heiðurinn á Elisa Strozyk, þýskur textíl hönnuður. Hvernig dettur manni svona í hug?

Aðal efnið sem hún notar í þetta er viður.

Gólfmotta

Rúmteppi

Teppi

Ég get ekki ímyndað mér hvernig áferðin á þessu er. Getur ekki verið þægilegt að kúra með þetta upp í sófa..

Símaborð með hólfi

Kofar

2011-11-03T17:17:00.000Z

Þessir skemmtilegu kofar koma frá Play-Modern og eru alveg ótrúlega góð hugmynd.

Reyndar, þá minna kofarnir mjög á kofana sem íslensku hjónin og hönnuðurnir í Hugdettu hönnuðu hér um árið og ég er nokkuð viss um að kofarnir séu settir saman á sama hátt.

En það sem er svo sniðugt við þessa barnakofa er að þeir eru fáránlega auðveldir í samsetningu og það er líka auðvelt að taka þá saman :) Hægt er að kaupa 1fm eða 2fm og búa til tvö hús, eða eitt... eða jafnvel tveggja hæða :) svo má skreyta að vild, og hver getur málað eftir sínum smekk :)

Ég væri svo til í að eiga svona... þetta er svo ævintýralegt! og mér finnst þetta alveg tilvalið til að eiga í sumarbústaðnum! :)

DIY: Jólakrans - má það ekki fyrst það er 1. nóv? ;)

2011-11-01T10:43:00.000Z

Svona afþví að nú er kominn Nóvember og allir farnir að huga að skreytingum ársins 2011 (er það ekki annars). Þá hef ég ákveðið að deila með ykkur þessum fallega krans sem allir geta búið til! :)

Það sem þið þurfið eru:

stórir kaffifílterar

límbyssu, eða gott lím

Góðann krans í þeirri stærð sem hver kýs.

svo er byrjað á því að brjóta kaffifilterinn til helminga og svo aftur til helminga.

Til þess að límingin heppnist sem best þá er líka fínt að brjóta aðeins upp á oddhvassa endann þannig að að svona 2 cm brot sé til annarrar hliðarinnar. Á flipann sem brýst til hliðar fer límið og svo er það varlega lagt á kransinn... best að byrja í könntunum utanmeð.

Gangi ykkur vel!

Púslað á vegginn

2011-10-29T00:00:00.013Z

Þetta er æðislega góð hugmynd á litla sem stóra veggi. Ótrúlegt en satt þá kostar þetta ekki formúgu og það er hægt að útfæra þetta á svo marga vegu.

Heil ljósmynd, margar litlar myndir, pixlað listaverk eða mynstrað skilrúm.

Hérna er bakgrunnurinn sem maður setur fyrst upp og púslar myndinni svo á vegginn.

Þessi er í uppáhaldi hjá mér, Flower, 30.000 kr + vsk. Vantar þá bara vegginn...ég skal finna út úr því.
Og já, ef þið eruð orðin eins æst og ég þá fæst þetta í Hollandi, nánar tiltekið hjá hönnunarfyrirtæki sem kallar sig ixxi.

Svo kemur þetta í svona lítilli sætri pakkingu.

Pappírs listaverk

2011-10-28T16:49:00.013Z

Fyrir tilviljun rakst ég á sýningu á listasafninu Jaggedart í London, þar er Francisca Pietro með sýningu á verkum sýnum úr seríunni Between the folds til 5. nóvember.

Mér þykir eitthvað svo heillandi við þetta. Hún notar gömul landakort, blaðsíður úr bókum, bæklinga og nótnablöð til að búa til mjög svo einstök verk.

Þetta höfðar án efa ekki til allra en mig langaði samt að deila því með ykkur.

Grænt Graffiti :)

2011-10-27T22:29:00.001Z

Eins mikið og graffiti getur verið ljótt, leiðinlegt, umhverfis-spillandi og ég veit ekki hvað og hvað, þá getur það líka verið hin stakasta snilld :) Oftast eru það nú bara blessaðir unglingarnir sem ganga um með spreybrúsa í skólatöskunni sem eru að skemma fyrir hinum sem kunna til verka. En gott dæmi um skemmtilegt graffiti er t.d. veggurinn við malarnámuna í Kollafirðinum á leið út úr Rvk.

En hér er komin ný tegund af veggja-graffi... Mosa-Graffiti!

Og það sem er svo skemmtilegt við þetta er að það er umhverfisvænt og skreytir líka svo fallega :) Það má "rækta" það hvar sem er! Hvort sem það er veggurinn á þínu eigin húsi, vinnunni, grindverkinu eða í skólanum :)

Svo geta líka allir gert þetta!

Það sem þarf er:

1 dós af ódýrum bjór (eða 1 1/2 bolli af súrmjólk)

Handfylli af mosa (fínt ef maður á mosavaxinn garð)

1 tsk sykur.

Allt þetta er sett saman í blenderinn og "sprullað" saman.

Þá er bara að mála þessu gumsi á vegginn. Spreyið vatni 1x á dag yfir mosann til þess að hjálpa honum að festast vel á vegginn og lifa góðu lífi :)

Ef þið ætlið að fara með verkefnið ykkar á göturnar, þá verðið þið bara að muna eftir að fá leyfi áður en þið hefjist handa við að mála! :)

Ég ætla að prufa þetta strax í vor! :)

Umhverfisvænn póstkassi.

2011-10-26T15:52:00.000Z

Þessi skemmtilegi póstkassi er eftir Marcial Ahsayane.

Póstkassinn er í raun ekki bara póstkassi heldur hefur hann einnig það hlutverk að halda litla blóminu, sem sérst þarna til hliðar við hann, á lífi. En ofan á póstkassanum er renna sem safnar saman rigningavatni og vökvar blómið :)

Svo er póstkassinn líka ótrúlega fallegur! ;)

Nammm.....

2011-10-24T18:26:00.000Z

Ég bara einfaldlega verð að deila þessari bloggsíðu með ykkur !

Hún Eva Laufey heldur úti bloggi þar sem að hún lýsir yfir ást sinni á mat og matargerð með því að deila með okkur góðum uppskriftum og svo tekur hún líka þessar fínu og girnilegu myndir af réttunum sínum.

Held að allir geti fundið eitthvað við sitt hæfi á blogginu hennar, og nánast fyrir öll tækifæri! :)

Ég verð allavega fastagestur á blogginu hennar :)

Sveppatíð :)

2011-10-21T18:16:00.002Z

Ég fór í smá búðarráp í dag og kom "óvart" heim með nokkra sveppi í farteskinu.

Það var svo gaman að fara á milli búða og sjá hvernig það er allt í sveppum allstaðar! :)

En á myndinni hér fyrir neðan má sjá flest-alla sveppina sem við dóttir mín rákumst á í dag hér og þar.

1. Heico-sveppaljós, fæst í Kisunni á Laugarvegi.

2. Mushroom pouf kollur, fæst í Aurum á Laugarvegi.

3. Sveppa-ljós sem fæst í Tiger.

4. Pínulitlir keramik-sveppir sem fást í Söstrene Grene.

5. (sé að þarna hafa orðið mistök í tölugjöf...þarna eru tvær myndir merktar 5... en hér á við hangandi sveppi) Jólaskraut frá Ikea.

5-2. Þarna má finna Salt- og pipar stauka, Merkimiða-klemmu og kertastjaka frá Tiger.

6. Kertastjakar frá Tiger. 7. Sveppa-snúra til að hengja kort á, frá Tiger. 8. Sparibaukur frá Tiger.

Hér fyrir ofan má sjá hinn raunverulega svepp sem að á íslensku kallast Berserkur og er baneitraður!

Góða helgi gott fólk!

Pin Y Pon

2011-10-20T18:54:00.001Z

Pin Y Pon var dót sem ég lék mér mikið að þegar ég var lítil.

Ég átti aldrei svona sjálf en vinkonur mínar áttu svona og það var mjööög vinsælt að vera heima hjá þeim að leika.

Ég sá auglýsingu á Cartoon Network í dag þar sem verið er að auglýsa þetta dót og það vakti með mér smá forvitni. Ég hófst handa við að googla og sá að Pin og Ponið var eiginlega bara miklu flottara hér í denn.

langar pínu að kaupa svona gamalt Pin y Pon.

er einhver sem á og vill selja?

þetta eru ótrúlega falleg leikföng :)

Þetta hér á myndinni fyrir neðan átti besta vinkona mín þegar við vorum litlar... og ég fæ alveg kitl í magannvið að skoða myndina, það var svo spennandi að leika með þetta :)

"Collage" fýlu færslan

2011-10-18T22:45:00.005Z

Þessi færsla átti að fara í loftið fyrir nokkrum dögum. En tæknin var ekki að vinna með mér þannig að ég fór í fýlu..

Þó svo að mér hafi ekki tekist ætlunarverk mitt (að fá myndina stærri) þá er þetta samt hér.

Hvet ykkur endilega til að smella á linkana til að sjá hlutina betur. Hugsanlega fyrsta og síðasta klippimyndafærslan frá mér. Látið ekki fýlu frá mér smita ykkur, lesið lengra.

Æðisleg hilla sem ég er svo skotin í. (það er alveg hægt að vera skotin í hillum skal ég segja ykkur). Edith Walnut kallast hún, hönnuð af Kay + Stemmer. Virkilega gaman að sjá nýjan hlut í gömlum stíl. Fæst hjá SCP.
Þó svo að ég sé agalega sátt með IKEA hnífapörin mín og ekkert á leiðinni að fá mér önnur þá þykja mér þessi mjög sjarmerandi. iD kallast þau, hönnuð af Bow-Wow. Hugmyndin er, eins og sést ekki vel á myndinni minni, að sköftin líkjast greinum, eitthvað sem forfeður okkar hafa notað sem ýmiskonar verkfæri.
Hver hefur ekki drukkið úr svona glasi? Rétt upp hönd (enginn). Þessi glös fást núna aftur á Íslandi! Snúðar og Snældur eru farin að selja þau í 2 stærðum og 2 litum. Húrra fyrir því!
Þetta er skrautlegur rammi og sökum þess þá hentar hann e.t.v. ekki hvaða mynd sem er. Hönnuðurinn Harry Allen nefnir hann 'My Brother's Frame' því hann fann aldraðan ramma inn í geymslu hjá bróður sínum sem hann svo steypti mót af. Gæti verið smá lykt af hönnunarstuld af þessu en ég er enginn dómari, listaverka rammi sem hann fann.
Þessi líflegi sófi nefnist Kelly, hannaður af Nick Garnham/Rod Carlson. Þeir hanna húsgögn fyrir ástralska fyrirtækið Jardan. Það er eitthvað sem heillar mig við þessa mublu, hvort það er efnisvalið eða mjúkar línur..ég verð að spá betur í því.

Mr. Button

2011-10-17T09:35:00.000Z

Þessar tölur eru alveg ótrúlega fyndnar!

En það er hönnuðurinn John Caswell sem að á heiðurinn af þessum skemmtilegu tölum...ásamt fullt af öðrum mjög skemmtilegum vörum sem hann hefur komið frá sér :)

Það er hægt að kaupa tölurnar hans og skoða fullt af öðrum skemmtilegum vörum á síðunni hans!

Nammi namm

2011-10-11T21:49:00.007Z

Ég elska súkkulaði.

Þetta plakat sýnir hvað er í hinum ýmsu amerísku súkkulaðistykkjum. Á útlensku er það kallað Candy Bar, en ég kalla það súkkulaði, því ég borða ekki nammi. Það er hægt að klikka á stóru myndina til að stækka hana.

Þeir sem tóku þetta saman kalla sig Pop Chart Lab og eru staðsettir í Brooklyn, NY. Þeir hafa tekið margskonar annað saman, sumt er meira að segja hægt að fá á boli. Hér eru sýnishorn (ég er annars farin að fá mér gómsæta bita)

Luna & Curious

2011-10-10T11:53:00.000Z

Ég verð að deila með ykkur þessari fyndnu og skemmtilegu búð!

Luna & Curious.

Það er til allskonar fyndið og skemmtilegt í þessari búð, m.a. ýmisleg outfit fyrir börnin, eins og sést hér fyrir neðan, fullt af flottum og fyndnum sokkabuxum og fötum á konur, fallegir munir til þess að skreyta heimilið og margt fleira! :)

Nauðsynlegt að skoða! :)

Galito Veitingahús ;)

2011-10-06T23:29:00.000Z

Hér fyrir neðan má sjá nokkrar myndir af Galito veitingahúsi sem við maðurinn minn rekum.

Það eru rétt tæpar 2 vikur síðan við opnuðum í nýju húsnæði en ég kom þar sjálf að hönnunarvinnunni ;)

Myndirnar sýna ekki alveg allt en gefa samt til kynna hvernig stemmning er þarna hjá okkur :)

Fífill fegri

2011-10-05T15:59:00.000Z

Við skötuhjúin opnuðum nýjan veitingastað fyrir rúmri viku síðan.

Það hefur s.s. verið brjálað að gera hjá mér, og okkur hjúum síðastliðnar vikur og framkvæmdirnar á fullu. En núna loksins er búið að opna og allt svona nokkurnveginn klárt.

Fyrir áhugasama þá heitir veitingastaðurinn Galito og er staðsettur á Akranesi. En Galito hefur verið til í um 7 ár, en flutti sig bara um set fyrir rúmri viku síðan.

Hér fyrir neðan má sjá spegla sem ég hannaði á einn vegginn í móttökunni á Galito, en ég vil kalla þá "Fífill fegri", enda eru þeir skornir út eftir útlínum fífilsins sem við þekkjum öll :)

Planið er að laga þá aðeins til og koma jafnvel á markað nokkrum saman í pakka sem spegla-veggskraut :)

Þ.e. ef að eftirspurnin verður einhver eftir þessu...?

Fjársjóðshirsla

2011-09-28T21:25:00.003Z

Þetta þykir mér skemmtileg mubla.

Hillur utan á, skúffur inn í skáp. Hönnuðurinn Vivian Chiu nefnir þetta Psych Cabinet.

Virkilega skemmtileg hugmynd.

MIHO

2011-09-26T22:24:00.003Z

Fyrir nokkrum dögum eignaðist ég hreindýr, nánar tiltekið haus af hreindýri. Hausinn er hins vegar ekki loðinn og honum fylgir ekki starandi tómt augnaráð. Þetta er ekki haus af dauðu dýri.

Þar sem við skötuhjú eigum bæði afmæli í september ákváðum í sameiningu að í stað þess að svitna yfir að finna eitthvað til að gefa hvort öðru myndum við frekar velja það sjálf.

Ég valdi le trophee Blossom. Þetta er bestasta og nýjasta uppáhaldið mitt! Ég geri mér ferð inn í stofu nokkrum sinnum á dag, bara til að horfa á hann.

Það versta við þessa færslu er að myndin af gripnum sýnir ekki almennilega alla þá dýrð sem af honum ljómar.

Og já ég fann þetta hér Victoria & Albert museum. Fæst líka hér, meira að segja ódýrara...

Hérna er fleira undir sama merki, MIHO - Unexpected Things.

2011-09-22T15:04:00.003Z

Mér þykja myndir Amber Alexander æðislegar. Þær eru yfirmáta vel gerðar og svo krúttlegar. Það er hægt að sjá meira af myndunum hennar á Etsy síðunni hennar hér.

Ég væri svo til í að eiga svuntu íkornann hver veit nema það gerist einhverntíman, $20 er ekki mikið. Þó svo að það sé bara eftirprentun þá er það samt æði.

Vegglímmiðar

2011-09-17T09:59:00.000Z

Blik er ótrúlega skemmtileg netverslun sem selur vegglistaverk í límmiðaformi. (reyndar er ekki allt til að líma á veggi en nánast allt)

Hér má sjá nokkra af þeim límmiðum sem mér fannst áhugaverð :) Reyndar er allt í þessari búð ótrúlega áhugavert og rosalega gaman að skoða hjá þeim... þeir selja allt frá rúmgöflum niður í pottaplöntur og allt þar á milli. Það má líka finna flotta límmiða í barnaherbergi fyrir fagurkera.

Þessir límmiðar eru allir mjög grafískir og skemmtilegir fyrir augað... og ég er ekki frá því að allir finni eitthvað við sitt hæfi þarna :)

Hér fyrir ofan er Lotukerfið sett upp í efna-skrímslum... flottasta tafla sem ég hef séð af lotukerfinu :)

Og hér fyrir neðan má sjá hvernig hægt er að poppa upp stólana á heimilinu með því að gefa þeim "ný stólbök".

Hér fyrir ofan má sjá frekar krípí límmiða af loftræsti-rist en það er eins og einhver sé fastur í... það var hægt að fá tvær tegundir í viðbót við þessa í búðinni.

Hér fyrir neðan má sjá einn af nokkrum rúmgöflum sem hægt er að fá í þessari skemmtilegu búð.

Svo er það barnaherbergið. En fyrir ofan er einhverskonar límmiði sem er líka púsl og börnin geta leikið sér með þetta aftur og aftur.

Fyrir neðan er vegglímmiði með kisu að kíkja... mjög grafískt, en líka mjög þrívítt :)

Mér finnst mikill húmor í fullt af þessum límmiðum. T.d. í þessum hér fyrir ofan.

Þrívíður límmiði hér fyrir neðan... virkar eins og þetta sé skúlptúr sem hangir á veggnum :)

Notknot púðar

2011-09-16T16:03:00.003Z

Mig langar í svona púða!

Eftir helgi munu þeir fást hjá Hrím. Annars eru þeir til hjá Umemi á Laugarvegi 25.

2011-09-16T15:18:00.003Z

Rakst á þessa földu bókahillu eftir Ibride. Ég er virkilega skotin í þessari hugmynd.

Fyrirmyndin af þessari línu, Les Dandys, er sprottin úr frönskum 19. aldar bókmenntum. Mjög spes hönnun með, að mínu mati, breskum sveitaseturs fíling

Lego / Leg-go

2011-09-12T20:39:00.001Z

Þessir sérstöku hælaskór bera nafnið Leg-go Stilettos og voru framleiddir síðastliðið vor í takmörkuðu upplagi.

12 skór voru framleiddir fyrir 12 mestu skóáhugamenn/konur heims ;)

Finn nokkur Stone mun hafa fengið hugmyndina.

Og já... það er hægt að ganga í þeim!

Að bera á borð vandamál

2011-09-08T23:50:00.008Z

Ég á við vandmál að stríða. Ég hef verið að leita að sófaborði í þó nokkurn tíma. Nema hvað að ég set nokkur skilyrði við þessi kaup mín. Ég er of erfið viðureignar.

Það má ekki kosta of mikið. Of mikið gæti verið lítið hjá sumum.
Það má ekki safna ógrynni af ryki. Engar hillur, fætur eða göt sem þarf að þurrka af.
Það má ekki kámast. Ekkert háglans efni eða gler.
Það verður að eldast vel. Stefnan er að eiga það í amk 20 ár.
Það má ekki þarfnast mikils viðhalds. Ég nenni ekki að drösla því niður í bílskúr til að pússa borðplötuna upp á nokkurra ára fresti.
Það verður að þjóna tilgangi sínum vel. Ekki of lítið og ekki of lágt. Heldur ekki of stórt.
Það verður að taka vel við fjarstýringum, glösum, hundaslefi og öðru drasli sem endar þar (tímabundið).

En fyrst og fremst verð ég að elska það frá fyrsta degi sem ég sé það.

Ég geri mér grein fyrir því að ég verð að láta undan nokkrum kröfum ef einhverntíman á að vera fallegt sófaborð heima hjá mér. Hverjar munu láta undan veit ég ekki ennþá, ég hef ekki enn fundið drauma borðið.

Hér eru nokkur sem bera með sér góðan þokka. Þau fást öll hér.

Sentou Edition

Kartell

Zeus

Kartell

Ísland/Japan

2011-09-08T21:33:00.000Z

Titill færslunnar hljómar eins og fótboltaleikur... I know!

Sæunn Þorsteinsdóttir, myndlistakona, býr til þessa ótrúlega fallegu Origami Trönur sem hún fegrar síðan með fjöðrum, perlum og öðru glingri. Trönurnar eru allar gerðar úr landakortum sem gerir þetta fallega skraut eitthvað svo spennandi. Það er eins og Óróinn sem verður úr þessu öllu saman hafi einhverja spennandi sögu að segja og einhvernveginn þá sækist maður pínu í að horfa á þetta :)

Hægt er að kaupa þessa fallegu óróa í Mýrinni í Kringlunni.

Uppáhalds

2011-09-07T12:21:00.003Z

Ég skil ekki afhverju í ósköpunum ég var ekki búin að uppgötva þennan hönnuð áður. Hann er núna einn af mínum uppáhalds. Tord Boontje heitir maðurinn. Flestir af þeim hlutum sem hann hefur hannað eru svo...veit ekki hvernig maður ætti að útskýra það á íslensku..lífrænir, hafa svo mikla hreyfingu. Sem höfðar einstaklega mikið til mín.

Þegar ég var að hefja búskap rakst ég á þessa DIY ljósakrónu í Habitat. Hún kostaði þá 3.000 kr. og auðvitað skellti ég mér á hana. Sé ekki eftir þeim smá aur þar sem ég er ennþá ótrúlega skotin í henni.

Garland

Hérna er svo búið að setja hana inn í glerkúlu. Ef ég ætti þetta væri ég líka ennþá skotin í því.

Ég get ekki séð að þetta sé komið í sölu en þetta er hluti af 2011-2012 haust/vetrarlínu Artecnica.

Tangle globe

Hérna er borð eftir hann. Með áprentuðu munstri að ofan og neðan.

Rialto decó

Áfram með blómamynstrið, í mottum.

Little Field of Flowers

Þetta er skilrúm, samansett af 6 svona stk í pakka.

Sem maður festir saman. Fæst hér.

Ég gæti haldið endalaust áfram en maður verður einhversstaðar að stoppa.

Fuglahús

2011-09-05T22:42:00.000Z

Þessi skemmtilegu fuglahús voru hönnuð af arkitektastofu einni í London, en húsin eru staðsett í görðum hér og þar um borgina.

Arkitektarnir sem unnu að verkefninu tóku mið af húsunum og blokkunum í kringum hvern einasta garð til þess að hanna útlit fuglahúsanna, en enginn garður hefur eins hús.

Falleg hús og falleg hugmynd sem fegrar umhverfið :)

Ósýnilegur hjólahjámur

2011-09-03T10:24:00.000Z

Á Index award hátíðinni í Kaupmannahöfn fengu tvær stúlkur 1. verðlaun fyrir ótrúlega sniðugan hjólahjálm :)
Index verðlaunin eru verðlaun sem veitt eru til hönnunar sem bætir lífið og hjálpa til við hversdagslífið.

Ég verð að segja að þetta er flott hugmynd hjá þeim... og fyrir þá sem vilja ekki vera með hjálm, þá er þetta alveg pottþétt lausnin :)

Barnaherbergið

2011-08-28T22:00:00.001Z

Þessa dagana er ég alveg sokkin í að skoða falleg ljós og límmiða í barnaherbergi.

Litla daman mín hún Hekla Dís (1 árs) er komin með sér herbergi og er voðalega ánægð með það en sökum þess að foreldrar hennar eru mjög busy fólk þá er ekki búið að gera herbergið eins og það á að vera...og að sjálfsögðu lætur mamman sig dreyma!! <3

þessar vörur hér fyrir neðan eru allar úr bresku búðinni Petit Home en ég veit að eitthvað af þessum vörum eru seldar í Kisunni á Laugarvegi.

Planið er að kaupa annað hvort kanínulampann eða gæsina... og ekki væri verra ef að ég gæti fjárfest í þessu loftljósi líka :)

Vegglímmiðar sem þessir eru auðvitað komnir á óskalistann, sem og skýjapúðinn.

Krítartafla er auðvitað á listanum þar sem að stóra systirin er með eina slíka hjá sér!

Þessi hér fyrir neðan er ekkert ljót!

spurning um sjálflýsandi vegglímmiða fyrir lítil myrkfælin kríli...? (eða bara mig)

Hilla eða tré eða ský??

2011-08-25T16:51:00.000Z

Þessar ótrúlega fallegu hillur hafa verið á óskalistanum mínum um nokkurt skeið... ég vissi bara ekki að þær væru komnar í sölu! - en nú geta ALLIR verið hrikalega glaðir og annaðhvort sett þetta á óskalistann sinn eða fjárfest í hillunni :)

Hillurnar eru eftir Þórunni Arnadóttir vöruhönnuð en hún hannaði grænu hilluna þegar hún var nemandi í Listaháskólanum.

Tree shelf

Cloud shelf

Stilkar

2011-08-24T22:34:00.001Z

Ása Tryggvadóttir, keramiker, hefur hannað ótrúlega fallega vasa úr postulíni sem að eru mótaðir eftir stilkum Ætihvannarinnar.

Það er ekki hægt að segja annað en að vasarnir færa náttúruna heim í hús :)

Ég keypti einn svona fallegan vasa í leirlistabúð á Ingólfsstræti en þeir voru þar uppstilltir í glugganum og ég heillaðist strax! - og planið er auðvitað að eiga sirka 3 saman því þeir eru fallegastir í hóp finnst mér :)

Það er ekki leiðinlegt að setja blóm í svona fallega vasa!

hægt er að skoða vörurnar hennar Ásu á facebook.

Litapallettur

2011-08-20T16:41:00.003Z

Ef einhver er að spá í litasamsetningu. Mála veggi, hanna, föndra eða fyrir handavinnu þá fann ég hrikalega sniðuga síðu til að skoða.

Konan sem er með síðuna Design Seed er algjörlega í þessu, að spá í litum. Þarna má finna óendanlega mikið af litapallettum sem hún hefur sett saman. Að auki hefur hún líka gefið út nokkrar bækur með litunum "sínum".

Búðafjör :)

2011-08-19T22:23:00.000Z

Búðin Tiger laðar mig alltaf að sér þegar ég er nálægt henni.

Mér finnst alltaf jafn gaman að skoða allt það skemmtilega og litríka sem til er í Tiger og ekki spillir fyrir að þetta er allt svo ódýrt :) - reyndar veit ég að flest allar vörurnar þarna inni eru eftirlíkingar af dýrari og vandaðari vöru... en sumt má nú alveg fjárfesta í :)

Hér fyrir neðan má sjá nokkrar af þeim vörum sem að ég hef heillast að í seinustu ferðum mínum inn í búðina :)

Ég fjárfesti einmitt í stöfunum H og N í dag og hrikalega ánægð! loksins var hægt að fá fallega stafi á viðráðanlegu verði sem eru ekki of stórir og úr tré! :)

Saumspor

2011-08-18T20:36:00.006Z

Ég er voðalega hrifin af því að skoða útsaum þessa dagana. Það að sauma út þarf ekki að vera krosssaumssporin sem maður gerði í grunnskóla.

Það er ógrynni af hugmyndum þarna úti. Misfallegar enda mismunandi smekkur hjá fólki. Ég væri alvg til í að taka nokkur spor í vetur.

Að sauma eitthvað fallegt hefur verið bætt á hugmyndaríka handverkslistann minn fyrir veturinn. Sjáum svo til.

Burd-Haus

2011-08-15T21:00:00.000Z

Nú þegar farið er að dimma og kólna þá fer maður ósjálfrátt að undirbúa sig fyrir veturinn.

Hluti af undirbúningnum mínum er að hugsa um litlu fuglana sem eru alltaf svangir í kuldanum... og ég er alltaf með augun opin fyrir einhverjum fallegum fuglahúsum eða einhverju sem fuglarnir geta notað til þess að fóðra sig í friði frá köttunum í hverfinu.

Ekki er leiðinlegra að getað boðið fuglunum uppá nútímaleg og falleg hús líkt og þessi hér fyrir neðan eru!

Fuglahúsin eru öll eftir Nathan Daniels og eru kölluð Burd-Haus og fást hér!

Barnalegt á Etsy

2011-08-10T11:52:00.006Z

Á einni af uppáhalds síðunum mínum, Etsy, fann ég þessa. Hún hannar og smíðar þetta heima hjá sér. Upphaflega byrjaði hún að föndra fyrir börnin sín, því hún vildi hafa herbergin þeirra skreytt með líflegum en eiturefnalausm hlutum.

Fyrir þá sem þekkja ekki Etsy mæli ég með því að kíkja á. Það er uppspretta margra sniðugra hugmynda. Margir fjársjóðir sem finnast þar. Netverslun þar sem þú kaupir beint af aðilanum sem býr til hlutina. Sjálf hef ég leyft mér að kaupa nokkra hluti þaðan og var ekki svikin.

Eins og sést á myndinni þá er þetta skemmtileg lausn fyrir málverk ungra listamanna. Skemmtilegar og litríkar fígúrur, spotti og þvottaklemmur.

Lítil hilla, sem hægt er að fá með mörgum fígúrum.

Snagi, sem sömuleiðis er hægt að fá í allskonar útfærslum.

Svo held ég að þessir vegglímmiðar gætu komið skemmtilega út með hinu að ofan.

Það er hægt að finna endalausar útfærslur af vegglímmiðum.

Fyrir um ári sló ég til og splæsti á mig þessum límmiðum. Þeir eru geggjaðir og koma svo vel út á ganginum hjá mér.

Annað af þeim hlutum sem ég hef keypt á Etsy er þessi snilldar púði. Sem ég gaf mannsefninu í afmælisgjöf. Það þarf ekki að spyrja en hann er tölvunörd.

(Fyrir þá sem ekki sjá það, þá er þetta gamaldags Nintendo fjarstýring)

2011-08-07T21:17:00.004Z

Ég er hálf eftir mig að hafa verið að skoða verk Yulia Brodskaya. Hvernig í ósköpunum gerir manneskjan þetta? Ef það er eitthvað sem hrífur mig mest þá eru það marglitir, krúttlegir "flæðandi" hlutir. Sem mér þykir þetta vera.

Það er eins og hún hafi fæðst til að búa þetta til fyrir mig!

Einn daginn ætla að ég að taka mig til og búa til krakkalega klaufska útgáfu af blómi til að setja á vegginn hjá mér.

Knit stools

2011-08-05T21:30:00.001Z

Úff!

Ég fæ alveg kitl í magann þegar ég sé þessa fallegu kolla!

Kollarnir eru eftir Claire-Anne O'Brien og ég get ekki annað en sagt að þeir hitta beint í mark hjá mér!

Ég er að elska þessi húsgögn!

Úr þremur áttum

2011-08-04T18:58:00.004Z

Ég væri nú alveg til í að máta þennan/þetta (legubekkur/stóll/teppi/verk)

Holland

LOOP eftir Sophie De Vocht fyrir Casamania

Þetta er hjartaljós. Ekki eins og maður á von á.

Portúgal/Belgía/Ítalía

Cuore Sacro (Heilagt hjarta) eftir Tania da Cruz

Stelpu og stráka kommóður. Gott að kenna þeim þetta strax, mun auðveldara að finna hlutina ef þeir eru á réttum stað.

Bandaríkin

Training Dresser eftir Peter Bristol

Teiknimyndahúsgögn

2011-08-04T13:54:00.002Z

Ég var að grúska á Established&Sons og uppgötvaði þennan skemmtilega hönnuð. Richard Woods. Hann hannaði þessa húsgagnalínu í samvinnu við Sebastian Wrong. Hún kallst Wrongwoods. Línan kemur í 4 stærðarútfærslum og 4 litasamsetningum. Hrikalega töff verð ég að segja.

Woods hefur mikið verið að hanna út frá hálfgerðri teiknimynda graffík.

DIY: Herðatré úr gömlum stólum

2011-08-01T12:42:00.000Z

Þetta finnst mér falleg hugmynd sem hver og einn getur útfært á sinn hátt! :)

Hidden Animal Teacups

2011-07-31T15:21:00.000Z

Hidden Animal Teacups eru bollar sem eru komnir á óskalistann minn!!!

Bollarnir eru japanskir og eru framleiddir af Ange-line tetrault.

hægt er að kaupa þessa undurfögru bolla í amerísku búðinni Huset sem er ótrúlega skemmtileg búð sem leggur uppúr skandinavískri hönnun (þrátt fyrir að bollarnir komi frá Japan)

Fadeout Chair

2011-07-30T09:59:00.000Z

Ein af fjölmörgum snilldum frá Japanska fyrirtækinu Nendo er þessi skemmtilegi stóll sem kallast Fadeout Chair.

Eftir að hafa skoðað hvað fyrirtækið gerir þá verð ég að segja að þeir eru mjög frumlegir og skemmtilegir og það er ALLS ekki leiðinlegt að skoða síðuna þeirra :)

Frítími

2011-07-29T14:07:00.003Z

Fólk gerir ýmislegt í frítíma sínum.

Ég rakst á svipað verkefni og listamenn í París gerðu. Þar sem þeir settu garn í götuholur.

Maður að nafni Jan Vormann fór að setja legokubba í sprungna veggi. Það vatt svo upp á sig og úr varð Dispatchwork. Sem hefur farið víða um heiminn og fjölmargir tekið þátt.

Toulouse í Frakklandi

Tarragona í Kataloníu á Spáni

Tel Aviv í Ísrael

Bocchignano á Ítalíu

Belgrad í Serbíu

Amsterdam í Hollandi

Nú þarf einhver að taka það að sér að koma þessu til Íslands.

Pixluð hönnun

2011-07-27T12:26:00.003Z

Hinn spænski Cristian Zuzunaga er mikið fyrir pixla. Ég var ekki mikið fyrir pixlaðar myndir fyrr en ég sá hvað hann gerir.

Geggjuð motta

Ég væri svo til í að hafa sófann minn troðinn af þessum púðum!

Margir litríkir klútar til hjá honum,

Hann er með netverslun hér

Hann verður með sýningarherbergi í London Design Festival núna í september. Þar sem hann sýnir meðal annars þetta verk.

Og já ef ég var ekki búin að nefna það, ég elska liti.

Mér finnst rigningin góð

2011-07-26T17:29:00.002Z

..og það er alveg satt. Gróðurinn þarf að drekka. Rokið mætti hinsvegar róa sig aðeins.

Senz°

Ég vildi að regnhlífar væru meira notaðar á Íslandi. Þessi er sérhönnuð fyrir rok og rigningu, þ.e. hún fýkur ekki upp þannig að þú þurfir að slást við hana.

Sniðugir snagar

2011-07-25T17:54:00.004Z

Ég er alltaf að spá í snögum í forstofuna. Langar að breyta og bæta. Draumurinn væri hreinlega skápur til að fela allt draslið en það er bara ekki í boði.

Snagi-StonE, fæst í Epal. Búinn til úr fjörusteini. Líka hægt að hann úr viði og stein.

Helga Sigurbjarnadóttir

"Límbands" snagar fyrir dótarý. Gæti orðið svolítið draslaralegt...en sneddý engu að síður.

Torafu

Þetta gæti komið skemmtilega út fyrir falleg föt. Ég á hinsvegar ekki nóg til að geta fengið mér svona. Verð að fara að vinna í því.

Alice Rosignoli

Þessi snagi finnst mér æði! Ég elska liti.

Ég veit ekki alveg hvort að ég myndi tíma að nota hann og skemma hversu stílhreinn hann er.

DESU design

Þetta er snaginn Birkir. Sniðugt fyrir skartsjúka. Hann fæst í 2 stærðum í Hrím.

Þessi snagi kallast Moose. Mér þykir hann frekar minna á afbakaðan sporð á hvali.

Marie Thurnauer

Hérna eru 2 snagar eftir sænskan vöruhönnuð.

Frábær útfærsla af hinu týpíska standandi fatahengi.

Malin Lundmark

Skemmtilegur gulur litur.

Ég hef ekki enn fundið draumasnagann en ég læt ykkur vita.

Stúdentagarðar

2011-07-25T17:20:00.003Z

Þetta er stúdentahverfi í Le Havre, Frakklandi. Búið til úr gámum. Nokkuð sniðugt verð ég að segja. Svolítið lítið og kannski þröngt en ef leigan er ódýr, hverjum er ekki sama.

Ég er amk mjög hrifin af þessum föstu formum í byggingunni.

Lamp Francis

2011-07-21T22:10:00.001Z

Lampi þessi er prótótýpa úr lampa-seríu sem kallast "Lamp Francis".

Lamparnir voru hannaðir af þeim David Ericsson og Marcus Berg.

Það má lesa meira um samvinnu þeirra inná DMOCH.

Langar í þennan kjól!

2011-07-21T21:48:00.000Z

Hann er til HÉR!

Pianó bókahilla!

2011-07-18T14:27:00.001Z

Þessa skemmtilegu bókahillu hannaði Stefan Ulrich.

En það sem er svo skemmtilegt við hana er að það er hægt að færa "lyklana" á hillunni upp og niður eftir þörfum og nota þá eins og myndin sýnir, bæði til þess að hafa undir bókunum og sem bókastoðir.

mig langar pínu í svona! :)

Já...og smá viðbót :)

Eins og þið sjáið kæru lesendur, á seinustu tveimur færslum, þá bauð ég vinkonu minni að reka bloggið áfram með með mér :) þannig að nú fáið þið kannski örlítið fjölbreyttari lesningu...en engu að síður skemmtilega lesningu :)

Pappi! Pappi! Komdu og sjáðu

2011-07-17T19:56:00.007Z

Ég var í einhverju pappa skapi í dag. Og komst að því það eru fleiri sem fara í pappa skap, varð að deila því með ykkur.

Rainer og Tobias Kyburz hönnuðu þessi tvö ljós.

Kandelaber

Mér finnst þau flott.

KartonKlunker

Þessi krútt eru algjör snilld. Rollu-pappa-hillur. Það er ástralskt hönnunarfyrirtæki sem stendur fyrir þessu, hægt að kaupa hrút, rollu og lamb hér.

The Barnyard Method

Liam Hopkins hönnuður og listamaðurinn Richard Sweeney gerðu þennan sófa úr, jú pappa, með býflugnabú sem fyrirmynd. Hann er hluti af Honeycomb húsgagnalínu Lazerian.

Lazerian

Hér fyrir neðan eru nokkrir hlutir hannaðir af Giles Miller. Hann er augljóslega pappakall.

Ég verð nú að játa að mér innst þessi lampi frekar flottur. Skemmtilegt munstur sem myndast í kringum hann og þægilega dempað ljósið.

Flott afaklukka

Og lítið og sætt náttborð með glerplötu. Fæst hér.

Þessi hilla hefur farið víða um netheima. Enda ekki skrítið. Hún er virkilega öðruvísi.

Eric Guiomar

Þetta er ekki pappi, heldur korktappi x1754 (eða svona u.þ.b.). Gabriel Wiese hefur búið til marga stóla úr korktöppum og hefur verið með þá í sýningum um allan heim. Hægt er að skoða þá hér.

Korkart, "Die neue Plaste"