Milan Design Week - Playble

Helga Björg Jónasardóttir sýndi þetta fallega og stórkostlega skemmtilega borð á samsýningunni 

"Play In Progress" á nýliðinni hönnunarviku í Mílanó. 

Samsýningin var í boði Child Culture Design deildarinnar i HDK skólanum í Svíþjóð og vakti mikla lukku. 

Playble er borð úr gegnheilli eik sem getur "staðið upp" á öðrum endanum, þar sem borðfæturnir breytast í stiga og borðplatan hallar sem rennibraut.

Undir borðinu leynist krítatafla þar sem krakkar geta í ró og næði teiknað eða skrifað.
Einnig er auðvelt að leggja teppi yfir og þá breytist það í hús, þá er hægt að nota stigaopið sem búð auk fjölmargra leikmöguleika sem kunna að búa í huga barns.

Þær Helga og María (sjá fyrri færslu) hafa vakið mikla lukku í Mílanó enda frábærir íslenskir hönnuðir hér á ferð :) 

Milan Design Week.

Nú stendur yfir Milan Design week í Mílanó en þar má finna ýmislegt skemmtilegt, fallegt og fræðandi.

Hún María Markovic vinkona mín er þar að sýna í samsýningu með sinni deild í skólanum. Hún sýnir 3 skrímsli sem gegna því hlutverki að vera líka dótakassar og kollar... DótakassakollaSkrímsli ef við búum til orð yfir þetta. 

Skrímslin eru öll nánast eins, nema á einni hlið þar sem hvert og eitt skrímsli hefur sitt andlit og sýnir með því sína innri hlið og function :) 

María nemur Child Culture Design í HDK í Svíþjóð. 

Mjög skemmtilegt verkefni hjá Maríu :) 

Polder

Ég er svo hrifin af Polder sófanum frá Vitra. Hollenski hönnuðurinn Hella Jongerius á heiðurinn af honum. Hún vann hann út frá yfirlitsmyndum af ökrum.

 Svo er hann auðvitað til í nokkrum litum og stærðum.

DIY: Loftljós

Svona má breyta IKEA ávaxtaskál í fallegt loftljós :) 

Sprey og snúra með perustæði og peru :) 

DIY: Ljósakróna úr pappír

Ótrúlega fallegt sem er mjög auðvelt að gera sjálfur :) 

Horfið á videoið neðst, þá sjáið þið mjög fínar leiðbeiningar um hvernig á að gera svona :) 

Það er ekkert mál :) 

Púða-ást

Þessir skemmtilegu og fínu púðar gætu alveg verið fullkomnir í barnaherbergin á mínu heimili. 

Púðarnir fást í Land of Nod sem er skemmtileg búð með allskonar flottum vörum fyrir heimilið :) 

Lóan er komin...

Fyrirtækið Hekla Design hér á Íslandi er þegar orðið frekar þekkt fyrir fallegu kertin og servíetturnar sem  svo margar húsmæður hér á landi hafa keypt sér :) 

Hekla hefur líka komið með á markað fatahengi/skúlptúr sem kallast Lóa og er líkt og búkur Lóunnar. 

Hægt er að kaupa matt og glansandi stál-hengi og svo aftur á móti málað stál-hengi. 

Ég er orðin OF skotin í máluðu Lóunni og er þegar búin að ákveða hvar ég ætla að setja hana þegar ég loksins eignast hana. En hún er auðvitað ekki fríkeypis og kostar litlar túttífemmþús!

Er byrjuð að safna :)