BókahillAN

Það er einn veggur í stofunni minn sem er alveg auður... frekar stór veggur líkt og þessi hér fyrir neðan. 

Ég er alltaf að reyna að finna það rétta á vegginn.

ég held ég hafi fundið það. 

Hillan er eftir hönnuðinn Olivier Dollé franskan hönnuð :)

Push and Store

Þessi skemmtilega hilla/skenkur/húsgagn kemur frá Droog

En það má segja að þetta sé bæði skúlptúr og hilla... og því kannski ekki hægt að hafa húsgagnið upp við vegg ef þú ætlar að geyma eitthvað í því... eins og myndirnar kannski sýna :) 

skemmtilegt og fallegt :)

Hippo and Potamus

Stólarnir og borðin hér að neðan hafa fengið nafnið Hippo and Potamus og eru eftir hönnuðinn Miu Gammelgaard. En þetta skemmtilega "sett" var hannað fyrir sænska fyrirtækið Blå Station og var kynnt á Stockholm furniture fair í seinustu viku. 

Mér finnst einhver skemmtilegur sjarmi yfir þessu :) 

púslaðu þér hillu.

skemmtileg hilla :) 

minnir mig á eina skemmtilega hillu sem var til sýnis á útskriftarsýningu LHÍ árið 2009 sem má sjá hér fyrir neðan :)

Ég læt mig dreyma...

Þegar að ég er orðin "stór" þá er planið að eiga eitthvað fallegt afdrep í sveitinni. 

Sumarbústað á besta stað. 

Þessi hér fyrir neðan kemst ofarlega á lista yfir hvernig ég vil að minn bústaður líti út.

Afskaplega fallegt hús eftir arkitektana á Hofman Dujardin stofunni í Þýskalandi.

Stockholm Furniture Fair 2011

Nú stendur yfir sýning í Stokkhólmi sem kallast Stockholm furniture fair og er hún haldin á hverju ári í febrúar. 

Í einu sýningarríminu sem kallast Greenhouse sýna nemendur og frekar ungir hönnuðir sem þá oftast nær sýna bara prótótýpurnar sínar þar sem að flestar vörurnar eru ekki komnar í framleiðslu. 

Þessi vegghilla hér fyrir neðan er ein þeirra sem þar var til sýnis. Ég stal myndinni frá vinkonu minni sem var stödd á sýningunni og tók mynd af verkinu fyrir mig vil ég meina...þar sem það minnir óneitanlega á lokaverkefnið mitt sem ég gerði í LHÍ vorið 2009. 

Ég veit ekki enn hver á heiðurinn af þessu eða frá hvaða skóla...en bæti því vonandi við færsluna ef ég kemst að því :) 

veist þú það kannski?

Hér fyrir neðan má sjá lokaverkefnið mitt sem nefnist Veggflétta. Hillur unnar úr möppuplasti í samstarfi við Múlalund. Verkið mitt er unnið útfrá Origami og vísar í skriðplöntur líkt og Bergfléttuna. En þaðan kom nafnið á verkið. Verkið getur stækkað og minnkað eftir smekk og vild :)

sjáið þið einhvern svip með verkunum?

Skemmtilegt hvað það er ekkert nýtt undir sólinni! :)

Ótrúlega fallegt barnaherbergi!

Ég er nokkuð viss um að þetta herbergi sé draumaherbergi allra lítilla stúlkna sem búa yfir ævintýraþrá :) 

Mín litla 5 ára gæfi nú örugglega margt til þess að eiga svona fallegt og stórt herbergi. Og ég væri líka alveg til í að gefa henni svona fallegt herbergi :) 

Ég er hugfangin!