Páskagleði á instagram

Páskarnir eru alltaf svo skemmtilegir. Ágætis slökun með börnum, hundum og bónda. 

Við mæðgur blésum út úr nokkrum eggjum og leyfðum þeim að litast í matarlit. Maður lætur eggin bara  fljóta í skálinni með vatn og matarlit. Það tekur nokkrar mínútur fyrir skurnina að taka í sig litinn og ekkert vesen. Allir glaðir :) 

Svo settum við Nína, eldri dóttir mín sem er 7 ára, smá skreytingu á borðstofuborðið með eggjunum fallegu. Stelpunum mínum fannst þetta æði. Og mömmunni fannst þetta ótrúlega einfalt :) 

Svo kíktum við í sveitina í gær og skoðuðum dýrin.... Páskalömbin voru ekki mætt á svæðið svo við mynduðum bara fallega hyrntann hrút í staðinn. 

Og svo varð ég auðvitað að láta fylgja mynd af frumraun minni í kransakökugerð. En fóstursonur minn hann Kristófer fermdist um síðustu helgi og ég prufaði að malla í eina rice crispies...það tókst bara ágætlega ;) Nú verð ég óstöðvandi í þessu.