Hjarta-dúskar á bandi :)

Ég geri ráð fyrir að einhverjar sem lesa bloggið mitt ætli að gifta sig í sumar :) 

Ég ætla að henda inn svona stundum og stundum einhverjum hugmyndum sem hægt er að framkvæma sjálfur fyrir brúðkaup, ódýrt og skemmtilegt :) - föndur sem má dúllast í á meðan veturinn ræður enn ríkjum :) 

Hér má sjá falleg hjörtu sem má skreyta með.... og það sem þarf eru hjörtu sem klippt eru út úr fallegum pappír (eða fallegu tau-efni) og saumavél. 

Í hvert hjarta þarf 4 hjörtu og best finnst mér að klippa bara öll hjörtun jafn stór til að byrja með, taka svo hjarta nr. 2 í "dúskinum" og minnka aðeins og svo koll af kolli með skærum. Svo notar maður hjörtun sem minnkuð voru sem skapalón fyrir fleiri hjörtu þannig að öll hjörtun verða eins í laginu. 

Það má líka hafa 7 hjörtu í hverjum "dúsk". En þá eru höfð minni hjörtu báðu megin við stærsta hjartað og svo saumað saman í miðjunni. 

Fallegt og fínt frá Stokkhólmi :)

Hendi bara inn nokkrum myndum af fallegum hlutum frá Design Week. 

Er ekki að finna upplýsinarnar sem ég hafði um þessa hluti hér fyrir neðan... en þið megið  nú samt sjá fallegu hlutina sem ég tók myndir af :) 

Er að elska fatahengið á neðstu 2 myndunum :) 

En hér á myndinni fyrir neðan má ská eldhúsborð sem hægt er að rækta kryddjurtirnar sínar í þarna í miðjunni...svo vaxa þær upp um lítil göt sem mynda fallegt skandínavískt prjónamynstur, átta blaða rós :) 

Hér fyrir neðan má sjá barnaleikföng

Stockholm Design Week - Greenhouse/VIA University College.

Greenhouse er nafið á salnum sem að mínu mati er mest spennandi á sýningunni í Stokkhólm. Þar sýna ungir hönnuðir og nemendur í skólum héðan og þaðan frá Evrópu. Reyndar var þarna einn bás alla leið frá Kína, eins og sást í seinustu færlsu. 

En hér fyrir neðan má sjá 3 fallega hluti sem nemendur frá Teko, VIA University College frá Danmörku sýndu í Greenhouse. 

Hér fyrir neðan má sjá húsgagn eftir hana Ingu Sól Ingibjargardóttir, Askur. 

Askur er svona það sem kallast multifunctional furniture og er bæði borð, sæti eða geymsla fyrir ýmislegt smálegt sem ekki má týnast. 

Fyrir ofan: Leikfang eftir Michael Lindgaard Sörensen sem kallast SJOVERT. 

Sjovert er leikfang hannað út frá gamalli danskri hönnun og leikföngum eins og "apans"sem að Kay Bojensen hannaði hér um árið. Leikfangið er hugsað fyrir allan aldur og færi mjög vel t.d. í stofunni minni :) - ég varð mjög skotin í þessu leikfangi. 

En það eru semsagt samsett af 7 mismunandi hlutum sem allir hafa segul og svo getur hver og einn leikið sér. 

Fyrir neðan: Borð sem hannað er af Pernille Rask sem nefnist SWAP. 

Með borðinu fylgja 3 aukahlutir til þess að prýða borðið með. Skál sem hægt er t.d. að geyma ávextina í, hitaplatta til þess að verja borðið frá heitum hlutum og vasa fyrir öll fallegu blómin sem ættu alltaf að prýða heimilið :)  En allir þessir aukahlutir eru eins í laginu og falla því allir ofan í eina litla "holu" sem búið er að fræsa ofan í borðið á einum stað. Svo skiptir maður bara út eftir því sem á við. :) 

Það mun týnast inn hér hægt og rólega frá sýningunni :) 

Stockholm Design Week - Greenhouse

Ég gerðist svo heppin að komast sem áhorfandi á Stockholm design week. Ótrúlegt ævintýri fyrir alla sem áhuga hafa á hönnun... og ég tala nú ekki um allann þann innblástur sem ég sem hönnuður fær á svona sýningu :) 

Að sjálfsögðu tók ég myndavélina með mér og á næstu dögum mun ég dúllast við að henda inn myndum og færslum frá sýningunni og sýna ykkur allt sem bæði var áhugavert og skemmtilegt að sjá :) 

Hér fyrir ofan og neðan má sjá verkefni frá Beckmans College og Design skólanum í Svíþjóð. 

Verkefnin voru unnin í áfanga sem nefndist "Never Mind the Object" og var unnið út frá orðum sem ekki eiga sér áþreifanlegan hlut að styðjast við, eins og t.d. orðið Internet. 

Á myndinni fyrir ofan má sjá húsgögn sem eru sandblásin og gerð úr harðvið. 

Fyrir neðan er "blöðruljós" prótótýpa sem virkar ekki en samkvæmt hönnuðinum er hann að vinna í að taka lampann alla leið og vonar að hann verði klár og farin að virka á næsta ári. Hann ætti s.s. að virka þannig að þegar slökkt er á lampanum, þá liggur "blaðran" niðri á gólfinu en þegar þú kveikir þá svífur hún upp. 

Hér fyrir neðan má sjá stól eftir íslenska stelpu sem stundar nám í hönnun í Noregi. Það vill svo til að ég er búin að týna öllum upplýsingum um hana og skólann... svo að myndin verður að nægja. 

Hilla/vínrekki sem kom alla leið frá Kína á sýninguna. 

                   Mjög skemmtilegur stóll hér fyrir neðan sem kallast "Lauvid" eftir Henke Westling. Stóllinn er eldhússtóll gerður fyrir lítil rými. Í staðinn fyrir tvo stóla, þarftu bara einn... en hann breytist í bekk. Ég heillaðist mjög af samsetningunni á stólnum, engir naglar bara viður. 

Á næstu dögum munu detta inn fleiri myndir af sýningunni...fallegir og áhugaverðir hlutir sem veita manni innblástur :)

Sniðugir snagar 2

Síðasta sumar bjó ég til færsluna Sniðugir snagar. Það er til ógrynni af sniðugum sem og fallegum snögum, þetta gæti endað í Sniðugum snögum 12.

Birds on a Wire - Jantze Brogard Asshoff

Hann hefur meðal annars hannað fyrir IKEA, Trollsta línuna

Plum - Caselio

Fæst t.d. hér og er á útsölu núna :)

Rainbow - Lotte Fynboe

Skemmtilega einfaldir snagar.

Ghost Antler - Erich Ginder

Fæst m.a. hér. En kostar alveg nokkra putta.

Kúlan, snagi

Fæst í Epal.

Kúlan er lína eftir eftir Bryndísi Bolladóttur. Hún var fyrst sýnd á Hönnunarmars 2010.

Á sama ári tók Normann Copenhagen tvo hluti úr línunni í sölu, snagann og hitaplatta.

Kúlan, hitaplatti

Kúlan, hljóðeinangrun

Falleg fuglahús

Þessi fallegu fuglahús hannaði Sigrún Einarsdóttir, vöruhönnuður. Hún útskrifaðist frá Parsons School of Design í París fyrir rúmum tuttugu árum.

Húsin eru úr postulíni og minna óneitanlega á egg. Eins og Sigrún segir á síðunni sinni, þá þola þau frost og funa.

Mig hefur alltaf langað að hlúa að fuglunum og reyni að gefa þeim á hverjum vetri. Mér reynist það samt oft erfitt, því ég hef ekki enn fundið góðan stað til að setja fóðrið á þar sem þeir vilja koma og borða það. Eini staðurinn sem ég á eftir að prófa er á miðjum grasblettinum. En þar sem það er mikið af köttum í hverfinu þá hef ég ekki gert það. Þessi hús væru kjörinn staður til að prófa að setja fóðrið í yfir veturinn. Ásamt því augljósa að skemmtilegt væri ef eitthvert fuglapar kæmi sér fyrir þar yfir sumartímann. Nú ef ekki, þá væri þetta samt fallegt, dinglandi í trjágrein eða á svölunum.

SKÓR!!!

Þessir SKÓR!!! 

Já, þessir trylltu skór koma frá hönnuðinum Iris van Herpen en þeir eru aldeilis að vekja athygli í hönnunarheiminum á netinu! :) Kannski ekkert skrítið. 

Skórnir eru framleiddir í samstarfi við skófyrirtækið United Nude og eru búnir til úr trefjaplasti sem er mótað eins og einhverskonar klær eða tennur. Það eru 10 klær á hverjum skó og þær eru mjög sterkar og eiga því ekki að brotna þegar maður gengur í skónum. 

Það er einungis búið að gera prótótýpur af skónum og sýna þá með vor/sumar línu United Nude

Þeir eru ekki komnir á markað enn...og ekki víst hvort þeir muni koma á markað.. En það væri gaman að sjá þá...og einhverjar pæjur staulast á þeim :)