Tenging Norður - sýning í Norræna húsinu.

Tenging Norður er sýning sem nú er í gangi í Norræna Húsinu. Sýningin er haldin í tengslum við ráðstefnu sem haldin var í Norræna húsinu dagana 7-9. nóvember og stendur sýningin frá 8. - 24. nóvember. Á sýningunni eru sýnd verk eftir listamenn frá norðurslóðum en m.a. má nefna að þarna eru verk eftir listamenn frá Íslandi, Alaska, Bandaríkjunum, Kanada, Noregi, Svíþjóð, Finnlandi og Rússlandi. Á sýningunni má sjá upptöku af Eldskúlptúr gjörninginum sem ég ásamt samnemum mínum  úr LHÍ stóðum að síðastliðinn föstudag ásamt fullt af færu fólki úr FG og Borgarholltsskóla ásamt stúlkum úr Barnaskóla Hjallastefnunnar. En þar má líka finna fullt af fallegum verkum eftir flotta listamenn. 

Myndirnar tala sínu máli. 

Ég mæli með að þið kíkið á þessa sýningu. 

Brjóstapúðinn

Brjóstapúðinn er ný íslensk vara. Fallegur púði sem framleiddur er til styrktar baráttunni gegn brjóstakrabbameini. Brjóstapúðinn er hönnun Aðalheiðar Sigfúsdóttur, klæðskera og Heiðdísar Helgadóttur, teiknara. 

Munstrið á púðanum fagra er teikning eftir Heiðdísi Helgadóttur en hún vann munstrið út frá sneiðmynd af brjósti. Munstrið táknar brjóstvef sem gerður er úr fjölda mjólkurkirtla. Bleik slaufa vefst svo inn í munstrið á fallegan hátt og saman myndar munstrið táknræna heild sem við getum öll tengt okkur við.  

Púðinn kostar 10.000- kr. og rennur allur ágóði púðans til Krabbameinsfélagsins. 

Hugmyndin af púðanum er  algjör snilld og einmitt það sem þörf er á, bæði fyrir okkur sem ekki hafa lent sjálf í baráttunni við krabbamein og þá sem hafa og eru að berjast við þennan illvíga sjúkdóm. Því koddar eru svo heilnæmir. Þeir hjálpa. Það er gott að kreista þá, knúsa þá og gráta í þá þegar illa stendur á. Það er líka gott að eiga svona fallegan púða til minningar um fallega manneskju eða bara sem tákn um það sem maður hefur sigrast á. 

Ég veit ekki alveg hvar sölustaðirnir verða á þessum dásamlega púða en ég hvet ykkur öll til þess að fylgjast með Facebook síðu þeirra en þar munu þær tilkynna sölustaðina innan skamms. 

Eitt veit ég og það er að ég verð einfaldlega að eignast svona fallegan púða :) 

(ég á afmæli bráðum....hmmhmm...)

Á ferð minni um landið

Veitt í Þingvallavatni

Síðustu vikuna hef ég verið að þvælast um landið hingað og þangað með vinum og börnum. Ekki leiðinlegt. 

Við byrjuðum ferðina á Þingvöllum þar sem þjóðgarðurinn var skoðaður í risa göngutúr þar sem allir voru ansi þreyttir þegar heim var komið. Þar var líka farið að veiða. Þingvallavatn er prýðis staður til þess að leyfa börnunum að veiða. Öllum fannst rosalega gaman þrátt fyrir að einungis veiddust tveir tittir. 

Því næst var haldið á Fossatún. Þangað er ekki leiðinlegt að fara... sérstaklega ekki með börn. Það eru tröllskessur út um allt. Þar er gott kaffi og með'ðí  fyrir mömmur og pabba og þar má finna rosalega fínan leikvöll sem börnin geta alveg gleymt sér í. Og það sem best er að leikvöllurinn er alveg við tjaldstæðið þannig að hægt er að fylgjast vel með villingunum frá tjaldstólnum sínum ;) 

Að lokum héldum við á Hvammstanga sem er ástæðan fyrir því að ég skrifa þessa ferðasögu niður fyrir ykkur. Ég mæli sérstaklega með því að fólk leggi leið sína þangað. Þar er mjög fínt tjaldstæði með öllum græjum...reyndar svolítið fyrir ofan bæinn. En bærinn er fallegur og margt þar að finna. Ég hreyfst sérstaklega af kaffihúsinu litla krúttlega niðri við bryggju sem heitir Kaffi Hlaðan. Þar var hægt að fá gott kaffi og æðislegar kökur og vöfflurnar voru himneskar (verst ég var ekki með símann á mér til að taka myndir fyrir ykkur af þessum gómsætu veitingum). 

Svo var ég ansi skotin í lítilli handverksbúð sem heitir Gallerý Bardúsa. Þar mátti finna margt fallegt frá handverksfólkinu í sveitinni. En fyrir innan Gallerýið var að finna eldgamla búð og allann gamla lagerinn sem þar var til. Þar var margt fallegt að finna og þá sérstaklega heillaðist ég af gúmmí-dúkkunum sem hafa beðið ansi lengi eftir að vera keyptar. 

Við hliðná Gallerýinu er svo að finna nytjamarkað sem gaman er að róta í. 

Og svo að lokum verð ég að segja ykkur frá ullarverksmiðjunni sem gaman er að heimsækja. Þar er búð með fullt af fallegum vörum og svo mega gestir og gangandi skoða verksmiðjuna sem ekki er leiðinlegt. 

Grýla komin með óþekk "börn" í pottinn sinn í Fossatúni.

Tröllkall sem hefur orðið að steini.

Gallerý Bardúsa á Hvammstanga

Gúmmí dúkkurnar fögru

Nóg til í gömlu búðinni

Húfa frá ullarverksmiðjunni sem gaman er að heimsækja. 

Óróar í barnaherbergið II

Mér þykir svo auðvelt að gleyma mér inn á hinni margumtöluðu Etsy -sölusíðu. Í þetta skipti var ég að láta hugann reika um óróa í barnaherbergið. Hugmyndirnar og úrvalið er svo mikið að ég fer í marga hringi. Fæ hugmynd sem mig langar að útfæra sjálf, skoða svo aðeins meira og hugmyndin breytist, svo gleymi ég mér aðeins of lengi og myndin sem ég hafði í huganum er horfin, eða bara ekkert svo sniðug lengur.

Hérna eru nokkrir óróar.

Svo á maður bara að láta verða af því að kaupa einhvern sem manni líst vel á. Hversu lengi á maður að komast upp með það að segja "ég get alveg gert svona sjálf"? 

Regnbogahringir

Æðislegir þæfðir ullarkrakkar

Að telja kindur

Lítil skrímsli

Ofurhetjur

Það mætti halda að ég væri á prósentum hjá þessari síðu (Etsy) en svo er ekki. Mér þykir hún bara svo einstaklega sniðug.

Náttuglur

Ég er alveg hugfangin af handunnu barnavörunum undir merkinu Náttuglur.
Bangsarnir, skýin og stjörnurnar eru saumaðar af Silju Kristjánsdóttur, sem er textílmenntuð.

Stjarnan er spiladós, með hnappi innan í.

Skýin eru líka spiladósir, sem spila þegar þú tosar í spotta sem dinglar á meðal þæfðu marglitu "regndropana".

Hér eru svo hinar upphaflegu Náttuglur. Einstakir bangsar en enginn þeirra er eins og annar. Kúrudýr með meiru. Litlir puttar hafa gaman af því að þreifa á eyrunum og miðunum. Svo er líka bjalla innan í þeim, sem hringlar í, eins og lítið bangsahjarta.

Ef þetta eru ekki hinar fullkomnu sængur- og skírnargjafir, þá veit ég ekki hvað.

Ekta íslenskt, enda hægt að fá þær á nokkrum góðum stöðum, Ígló, Beroma/Fiðrildinu, Hótel Ísafirði, Safnbúð Listasafns Íslands, Around Iceland, Hrím og Made in Iceland.

Ein ég sit og sauma

Það er komið u.þ.b. ár og öld síðan ég setti inn færslu síðast. Ég ætla að draga mig út úr samviskubitinu og smella inn nokkrum myndum af handavinnunni minni.

Ég tók upp á því að endurnýja kynni mín við saumavélina í haust. Komin einhver ár síðan ég kom við tvinna og títuprjóna.

Ég byrjaði á því að sauma þessa tvo púða, þetta eiga að vera uglur. Ég náði góðri upprifjun á saumatöktunum. Þær eru mjúkar þrátt fyrir að vera örlítil illfygli.

  Næst fór ég í að hanna, sníða og sauma hann Stjaka. Hann fer í jólapakka og flytur svo fljótlega til Noregs.

Hann er með mælaborð sem er með nokkrum tökkum og mælistiku, því hann er augljóslega vélmenni. Svo er hann með leynihólf að aftan. Mér þykir hann óttalega lúðalega sætur :)

Eftir Stjaka, þá fæddist Skafti. Hann er krútt-skrímsli með skögultennur og tvo loðna dindla. Hugmyndina af andlitsgerðinni fékk ég á Pinterest. Svo er hann auðvitað með vasa að aftan. Hann fer í jólapakka og fer bráðlega líka að tala norsku.

Síðasta verkefni mitt voru svo þessi tvö, Bíbi & Blaka. 

Bíbí er fíngerð ugla, með tvo litla vasa undir vængjunum og hjarta á bakinu, hugmyndina af henni fékk ég frá Etsy. Blaka er skrímsla-prinsessa með blómakórónu og blúnduleynihólf að aftan. Svo eru þær báðar með handsaumuð blik í augum, manni fer fram í hugmyndagleðinni sjáðu til.

Það er ótrúlega gaman að dunda sér við svona, ennþá skemmtilegra að horfa á loka útkomuna eftir alla vinnuna og blótið.

Beta kveður í bili

Besla by Brynja Emils

Besla er nýtt íslenskt merki sem er að ryðja sér braut inn á barnafatamarkaðinn.

Brynja Emilsdóttir á heiðurinn af þessum fallegu fötum sem eru að detta í búðir þessa dagana en hún vann að línunni í samvinnu við grafíska hönnuðina Lindu Ólafs og skvísurnar í Hnoss sem að teiknuðu munstrin á fötin. 

Brynja framleiðir einnig ungbarnavöggusett, værðarvoðir og kósýteppi (sjá neðar). 

Það er komið eitt stykki svona fallegt teppi á minn innkaupalista.

Polder

Ég er svo hrifin af Polder sófanum frá Vitra. Hollenski hönnuðurinn Hella Jongerius á heiðurinn af honum. Hún vann hann út frá yfirlitsmyndum af ökrum.

 Svo er hann auðvitað til í nokkrum litum og stærðum.

As We Grow

As We Grow er nýtt íslenskt merki sem framleiðir falleg, vönduð ullar barnaföt sem endast. 

Þær stöllur Guðrún Ragna, María og Gréta eru snillingarnir á bak við hönnunina, en þær segja að upphafið af þessu öllu hafi fæðst út frá lítilli sögu um peysu sem fór barna á milli og var allra mesta uppáhald allra barna sem notuðu peysuna í 9 ár...og peysan er enn í notkun. 

Akkurat í þessum rituðu orðum eru þær stöllur að kynna fatalínuna sína úti í Kaupmannahöfn á sýningunni CPH Kids. 

Vonandi gengur þeim allt í haginn úti og vonandi fá þær fullt að gera í framtíðinni því að þetta eru með þeim fallegustu ullarfötum sem hægt er að kaupa á börnin sín :) 

Mig hlakkar allavega til að sjá hvað þær eiga eftir að vaxa :)