Hreiðurgerð

Nú er viðburðaríku sumri lokið og haustið gengið í garð. Síðan ég bloggaði síðast hefur eitt barn bæst í hópinn hér á heimilinu og öllum heilsast bara nokkuð vel. Ég sest minna niður fyrir framan tölvu en áður svona til að byrja með á meðan allt er að detta í rétta rútínu og við lærum að eiga þrjú börn. 

En mig langaði til að sýna ykkur skiptiaðstöðuna mína. Í húsinu okkar er lítið rými inni í svefnherberginu okkar á milli skápa. Líklega hugsað fyrir spegil og snyrtiborð en við höfðum ekki gert neitt við þetta rými síðan við fluttum inn fyrir ári síðan. Hundarnir okkar fengu að hafa það útaf fyrir sig til að byrja með en núna hefur það fengið nýtt hlutverk. Við ákváðum að máta skiptiborðið þarna inní þetta litla horn og það passaði líka svona rosa fínt. Húsbóndinn málaði vegginn og ég fékk að dúlla við rest :) 

Skiptiborðið sjálft keypti ég notað en það er úr Ikea. Því miður er það hætt í sölu þrátt fyrir að vera ótrúlega fallegt. En ég þræddi sölusíður og fékk það að lokum ;) 

Skiptidýnuna og óróann fékk ég í Petit.is barnavöruverslun en fiðrildin bleiku átti ég til. 

Bæði skiptidýnan og óróinn eru frá sænsku merki sem nefnist Farg & Form sem Petit.is selur en skýin eru einskonar einkenni merkisins.  Mikið af fallegum vörum koma frá þessu merki bæði í fatnaði og öðrum nauðsynjavörum fyrir börnin :)  Endilega kíkið á Petit...þið verðið ekki svikin ;) 

Nýtt en notað stöff :)

Um liðna helgi datt ég í lukkupottinn... en þá hringdi vinkona í mig sem hafði fjárfest í Kartell náttborði á barnalandi en henni fannst það ekki passa inni hjá sér og því hafði hún samband við mig. 

Að sjálfsögðu sagði ég JÁ! Enda hef ég verið að hugsa um að fjárfesta í þessu blessaða náttborði ansi lengi... hugsa og hugsa og hugsa....en aldrei framkvæmt kaupin. Enda er ég viss um að þetta borð sé syndsamlega dýrt beint úr búðinni. En ég gat samt hugsað náttborðið til mín og það passar svona rosalega fínt ;) 

Ég er allvega helsátt... 

...og nú ætla ég að fara að hugsa til mín Polder sofa eftir Hella Jongerius :) 

Moth ljós

Ég hef lengi haldið upp á Moth ljósin frá Hollenska hönnunarteyminu Studio Snowpuppe. Mér þykja þau hreint út sagt æðisleg. Litirnir og formið á þeim höfða einstaklega mikið til mín.

Verði þið ekki æst í þau líka?
Þau fást meira að segja á Íslandi, í netversluninni KRÚNK. Mér skilst að Krúnk verði á Glæsimarkaðnum um helgina. Mikið sem mig langar að fara og kíkja, kannski maður láti verða af því.

 Þetta er úr nýjustu línunni þeirra, ég á eiginlega ekki orð yfir hvað mér þykir þetta flott.

Lestrar-hreiður I

Þetta finnst mér bara ótrúlega flott hugmynd :) 

Búið að rífa burt neðriskápana og búa til lítið kósý lestrar hreiður. 

Mig langar bara pínu að vera þarna! :) 

Það er örugglega ekkert mál að útbúa svona með því bara að taka skáphurðar af og hillur úr og fá svo bara einhvern handlaginn til þess að mæta með hamarinn :) 

Mig langar í svona :) 

Líka flottur þessi rauði litur með þessu hvíta :) 

Bókahillur

Þessa snilldarhugmynd sá ég á bloggsíðunni Skreytum hús. 

En á því bloggi ræður hún Soffía ríkjum og hún bloggar um allt það skemmtlega sem henni dettur í hug að gera. 

Þessar bókahillur fást í Ikea og eru þar seldar sem Servíettustandar og kosta bara 495 kr. 

Mér finnst þetta frábær hugmynd! 

gæti líka verið flott við hjónarúmið fyrir bækurnar sem húsfrúin les :) 

Svefnherbergið.

Nýjasta flugan sem ég hef fengið í höfuðið á  mér er að fara að taka í gegn hjónaherberið hér heima hjá mér... auk þess er ég að plana annað barnaherbergið í þaula. 

En hjónaherbergið á allt í einu hug minn allann og mig langar helst að rífa allt þaðan út núna STRAX og ekki seinna! :) hehe... vildi að það væri svo auðvelt! 

En... hér koma nokkrar pælingar :)

Fallegur höfuðgaflinn á þessu rúmi (þessi hvíti) það væri fallegt að mála gaflvegginn svona dökkann og gera einhvernveginn svona hvítann gafl á rúmið...kannski með lýsingu á bakvið...sem getur bara verið jólasería sem sést ekkert..:) Það er ódýr lausn :) 

Svo finnst mér eitthvað svo mikið fallegt við svona lesljós sem að hanga beint niður úr loftinu. Það er ákveðið að hafa svoleiðs! 

Flott hvernig rúmgrindin er búin til hér fyrir neðan :) 

Þessi gafl er bara límmiði sem hægt er að kaupa í búðinni BLIK. 

fallegt loftið í kringum ljósið hér fyrir neðan! :) 

Svona má líka gera flotta rúmgrind :)