Tenging Norður - sýning í Norræna húsinu.

Tenging Norður er sýning sem nú er í gangi í Norræna Húsinu. Sýningin er haldin í tengslum við ráðstefnu sem haldin var í Norræna húsinu dagana 7-9. nóvember og stendur sýningin frá 8. - 24. nóvember. Á sýningunni eru sýnd verk eftir listamenn frá norðurslóðum en m.a. má nefna að þarna eru verk eftir listamenn frá Íslandi, Alaska, Bandaríkjunum, Kanada, Noregi, Svíþjóð, Finnlandi og Rússlandi. Á sýningunni má sjá upptöku af Eldskúlptúr gjörninginum sem ég ásamt samnemum mínum  úr LHÍ stóðum að síðastliðinn föstudag ásamt fullt af færu fólki úr FG og Borgarholltsskóla ásamt stúlkum úr Barnaskóla Hjallastefnunnar. En þar má líka finna fullt af fallegum verkum eftir flotta listamenn. 

Myndirnar tala sínu máli. 

Ég mæli með að þið kíkið á þessa sýningu. 

Moth ljós

Ég hef lengi haldið upp á Moth ljósin frá Hollenska hönnunarteyminu Studio Snowpuppe. Mér þykja þau hreint út sagt æðisleg. Litirnir og formið á þeim höfða einstaklega mikið til mín.

Verði þið ekki æst í þau líka?
Þau fást meira að segja á Íslandi, í netversluninni KRÚNK. Mér skilst að Krúnk verði á Glæsimarkaðnum um helgina. Mikið sem mig langar að fara og kíkja, kannski maður láti verða af því.

 Þetta er úr nýjustu línunni þeirra, ég á eiginlega ekki orð yfir hvað mér þykir þetta flott.

3 dagar í jólin - allt að verða klárt.

Þetta eru fallegar skreytingar sem að auðvelt og ódýrt er að útbúa. 

Þarna er notaður bylgjupappi og jólaséríur. 

Ég sé þetta alveg fyrir mér sem skreyting í búðaglugga jafnvel.

Ljós og skuggar

Japanski listamaðurinn Kumi Yamashita hefur skapað ótrúlega falleg listaverk með því að nota einföld form og hluti ásamt ljósi sem lýsir á verkið sem skapar þessa ótrúlegu skugga. 

Mikilfenglegt verk. 

Listamaðurinn notar eitt ljós á hvert verk sem lýsir upp frá hlið þannig að skuggamyndir myndast út frá þeim hlutum sem hann notar. Skuggamyndirnar mynda silúettur af andlitum og fólki. 

Listamaðurinn býr og sýnir í New York og kallar hann þessa sýningu Light&Shadow.

Ég er hugfangin af þessu! :) 

Sápukúlu-ljósakróna (Surface Tension Lamp) frá Front Design

Sænska hönnunargrúbban Front Design (mínar uppáhalds!) voru beðnar um að hanna ljós fyrir  fyrirtækið Booo, til þess að sýna á nýafstaðinni sýningu í Mílanó. 

Þær skvísur í Front hönnuðu þetta snilldar sápukúluljós. 

Surface Tension Lamp eins og ljósið er kallað hefur ekki neina krónu/skerm heldur býr það hana til sjálft jafn óðum með því að blása út röð af sápukúlum endalaust þangað til þær springa og þá byrjar ljósið uppá nýtt. Þannig að ljósið skiptir endalaust um lögun og er aldrei eins. 

Sápukúlurnar lýsast fallega upp með LED peru sem endist í 50,000 klukkustundir :) 

Þetta er bara flott! 

Tékkið á videóinu! - þetta er rosalegt!

DIY: Loftljós

Svona má breyta IKEA ávaxtaskál í fallegt loftljós :) 

Sprey og snúra með perustæði og peru :) 

DIY: Ljósakróna úr pappír

Ótrúlega fallegt sem er mjög auðvelt að gera sjálfur :) 

Horfið á videoið neðst, þá sjáið þið mjög fínar leiðbeiningar um hvernig á að gera svona :) 

Það er ekkert mál :) 

Lýsing frá Tom Rossau

Falleg lýsing getur gert mikið fyrir rými.

Hinn danski Tom Rossau býr til loftljós, borð-/gólflampa úr birki.

Það þarf ekki að hafa mörg orð um þetta, ég er mjög hrifin.

Þrjár mismunandi stærðir af loftljósum og gólflampi, sem er að auki borð.

Borðlampi og gólflampi úr sömu línu og hér fyrir ofan.

Og svo þrjár mismunandi týpur af loftljósum.

Blúndur

Hérna eru blúnduhúsgögn eftir Marcel Wanders. Ef þú vissir það ekki, þá er allt til í dag. Mér þykja þau mjög falleg fyrir augað, veit ekki með notagildið á hinu hefðbundna heimili.

Crochet Chair

Crochet Lamp

Crochet Table

Annars er þetta eitthvað sem ég gæti hugsað mér að eiga.

Ef einhver vildi vera svo æðislegur og demba sér í að búa til eitt svona teppi og gefa mér, þá myndi ég örugglega brosa allan hringinn í heilt ár. Ég legg amk ekki í það...ennþá.

Litríkar snúruflækjur

Góð lýsing gerir margt fyrir heimilið og getur myndað huggulega stemningu. Ekki skemmir fyrir ef rafmagnssnúrurnar væru aðeins meira fyrir augað, eins og þessar, sem Rie Elise Larsen hefur hannað.

Ég væri ekkert á móti því að upplifa litagleðina sem býr í þessu húsi. Skermarnir sem sjást hérna fyrir neðan eru líka eftir Rie Elise.

Til að skoða nánar er hægt að skella sér inn á síðu Hus og Hem.

Þar fást líka þessir æðislegu sparibaukar. Þeir hafa verið framleiddir af sömu verksmiðju í Finnlandi síðan ca. 1970.

Huggulegir skúlptúrar

Fann nokkra fallega hluti sem Valerie Boy hefur gert. Hún hefur mikið verið að vinna skúlptúra og innsetningar byggða út frá ljósi. Þetta er svolítið minn stíll.

Loftljós

Skenkur, sem er nú nær því að vera skúlptúr

Veggljós, sem mér þykir ákaflega fallegt

Nærmynd af veggljósinu

Púði með ljósi inn í. Verð að játa að ég skil ekki alveg hvernig það virkar.

Verk sem hún hannaði fyrir móttöku á hóteli

Uppáhalds

Ég skil ekki afhverju í ósköpunum ég var ekki búin að uppgötva þennan hönnuð áður. Hann er núna einn af mínum uppáhalds. Tord Boontje heitir maðurinn. Flestir af þeim hlutum sem hann hefur hannað eru svo...veit ekki hvernig maður ætti að útskýra það á íslensku..lífrænir, hafa svo mikla hreyfingu. Sem höfðar einstaklega mikið til mín.

Þegar ég var að hefja búskap rakst ég á þessa DIY ljósakrónu í Habitat. Hún kostaði þá 3.000 kr. og auðvitað skellti ég mér á hana. Sé ekki eftir þeim smá aur þar sem ég er ennþá ótrúlega skotin í henni.

Garland

Hérna er svo búið að setja hana inn í glerkúlu. Ef ég ætti þetta væri ég líka ennþá skotin í því.

Ég get ekki séð að þetta sé komið í sölu en þetta er hluti af 2011-2012 haust/vetrarlínu Artecnica.

Tangle globe

Hérna er borð eftir hann. Með áprentuðu munstri að ofan og neðan.

Rialto decó

Áfram með blómamynstrið, í mottum.

Little Field of Flowers

Þetta er skilrúm, samansett af 6 svona stk í pakka.

Sem maður festir saman. Fæst hér.

Ég gæti haldið endalaust áfram en maður verður einhversstaðar að stoppa.