Hreiðurgerð

Nú er viðburðaríku sumri lokið og haustið gengið í garð. Síðan ég bloggaði síðast hefur eitt barn bæst í hópinn hér á heimilinu og öllum heilsast bara nokkuð vel. Ég sest minna niður fyrir framan tölvu en áður svona til að byrja með á meðan allt er að detta í rétta rútínu og við lærum að eiga þrjú börn. 

En mig langaði til að sýna ykkur skiptiaðstöðuna mína. Í húsinu okkar er lítið rými inni í svefnherberginu okkar á milli skápa. Líklega hugsað fyrir spegil og snyrtiborð en við höfðum ekki gert neitt við þetta rými síðan við fluttum inn fyrir ári síðan. Hundarnir okkar fengu að hafa það útaf fyrir sig til að byrja með en núna hefur það fengið nýtt hlutverk. Við ákváðum að máta skiptiborðið þarna inní þetta litla horn og það passaði líka svona rosa fínt. Húsbóndinn málaði vegginn og ég fékk að dúlla við rest :) 

Skiptiborðið sjálft keypti ég notað en það er úr Ikea. Því miður er það hætt í sölu þrátt fyrir að vera ótrúlega fallegt. En ég þræddi sölusíður og fékk það að lokum ;) 

Skiptidýnuna og óróann fékk ég í Petit.is barnavöruverslun en fiðrildin bleiku átti ég til. 

Bæði skiptidýnan og óróinn eru frá sænsku merki sem nefnist Farg & Form sem Petit.is selur en skýin eru einskonar einkenni merkisins.  Mikið af fallegum vörum koma frá þessu merki bæði í fatnaði og öðrum nauðsynjavörum fyrir börnin :)  Endilega kíkið á Petit...þið verðið ekki svikin ;) 

Barnaherbergi

Þessa dagana eru falleg barnaherbergi ofarlega í huga mínum... enda eitt lítið að fara að bætast við fjölskylduna í ágúst ;) En það þarf nú samt að taka í gegn herbergið hjá elstu dömunni á heimilinu sem fyrst og ég er endalaust að skoða og hugsa þetta. Hún er orðin svolítill unglingur í sér og vill losna við flest allt dótið út úr herberginu enda að verða 10 ára. Hún hrúgar því öllu þessa dagana inn  til litlu systur sinnar...og laumar sér svo þangað inn til að leika sér í dúkkó ;) En pæjuherbergi þarf hún að fá. Það er bara þannig. 

Allt þetta svarta og hvíta heillar voða en mér finnst það oft mjög ópersónulegt og því finnst mér ágætt að hafa hvítan grunnlit á húsgögnunum og poppa svo upp með litum svo að herbergið fá sinn persónulega sjarma. 

Við erum búnar að ákveða þetta nokkurnvegin allt saman í sameiningu og okkur langar báðum að  kanínu-segul-veggfóður eins og sjá má hér neðstu á myndinni fari upp hjá skvísunni. En veggfóðrið fæst í Esja dekor.

Herbergið hennar Heklu

Jææææjjja..... Þetta blogg mitt er hálf sofandi þessa dagana... ég veit. En það hefur ýmislegt á daga mína drifiði síðastliðinn mánuðinn sem gjörsamlega hefur sogað úr mér orku og ég hef einfaldlega ekki nennt að opna tölvuna. Ég byrjaði í nýrri vinnu...að kenna 10 ára gömlum börnum, sem er mjög skemmtilegt. Ég hef verið að reyna að klára að koma okkur fyrir í nýja húsinu (sem gengur frekar hægt þessa dagana) og svo auðvitað börnin byrjuð í skóla og rútínan að komast á rétt ról ;)
Hér fyrir ofan á myndinni má sjá einn vegg í herbergi dóttur minnar en í sumar keypti ég þessa fallegu húsa-kassa í Söstrene grene. Alls ekki dýrir kassar og ótrúlega fallegir satt best að segja. Mér datt strax í hug að hengja þá á vegg. Ég skellti aftaná kassana "double-tape" eða eins og dóttir mín segir alltaf "ibbúl-teip" og hengdi þá upp þegar málningin var loksins þornuð og svo settum við í sameiningu falleg leikföng í kassana svo úr kom "húsa hilla".  Ég verð nú að segja að ég er bara ótrúlega ánægð með þetta. Kassarnir príða ótrúlega mikið og setja skemmtileg "lúkk" á herbergið ;) 

Ég er nokkuð viss um að kassarnir séu ennþá til í Söstrene fyrir ykkur sem hafið áhuga ;) 

Strákaherbergi

Ég var stödd í barnaafmæli áðan þar sem ein mamman hafði orð á því að henni fyndist leiðinlegt hvað væri mikið alltaf til af dúlleríi og flottum hugmyndum fyrir stelpuherbergi en lítið fyrir strákaherbergi. Það þarf vart að taka fram að mamman sú er strákamamma og á tvo flotta stráka. 

Það er reyndar alveg rétt hjá henni að internetið lumar á mun fleiri góðum hugmyndum fyrir falleg stelpuherbergi en stráka.... en... það eru þó til helling af fallegum strákaherbergjum og góðum hugmyndum. 

Sérstaklega er ég hrifin af svona skemmtilegum posterum eins og hér fyrir ofan með hvölunum. Það má jafnvel líka vera myndir og upplýsingar um sjávardýr, fugla eða alheimskort.
Flottir púðar og gæjaleg veggfóður heilla mig líka nokkuð mikið sem og stafrófið og fallegir hankar :)

Barnaherbergið

Árið 2012 tókum við herbergið hjá yngstu dóttir okkar í gegn. Máluðum og settum upp bókahillur og skreyttum aðeins. Þá færslu má sjá hér. Hún var þá tveggja ára krúttmoli og hafði ekkert vit á því að hafa skoðanir á hlutunum. Ári seinna uppgvötaði hún að systir hennar sem er 8 ára er með bleikan lit á einum veggnum sínum. En sú stutta var með blágrænan! - Aldrei hefur barnið verið jafn móðgað við okkur á sinni stuttu ævi. Ég ákvað að reyna að bjarga mér fyrir horn þegar hún fór að ræða þetta við mig um litavalið og keypti bleikar límmiðadoppur í Söstrene Grene og setti á vegginn beint á móti þeim blágræna. Bleikar doppur = bleikt herbergi... ikke? Bleiku doppurnar má sjá á fyrstu myndinni hér fyrir neðan (ég klippti út grenjandi barnið sem lá upp við vegginn í vonbrigðiskasti). 

Barnið var sár sár móðgað yfir því að veggurinn var ekki allur bleikur í heild sinni...bleikar doppur var ekki nóg fyrir bleiku blúnduna sem barnið er. 

Og nú þegar hún veit að við erum að fara að flytja hefur daman pantað BLEIKA herbergið í nýja húsinu. Ehehehemm... OHHH....  ég skal segja ykkur það að ég er alveg komin með ógeð af bleika litnum. 

EN... einhvernvegin ætla ég að láta drauma barnsins rætast með bleikum lit í herberginu en ég er mikið að spá hvernig ég geti útfært einn vegg án þess að bleiki liturinn yfirtaki allt. 

Doppurnar óvinsælu... sem urðu síðan algjör hittari í barnaherbergjum landsins, en nokkrum mánuðum seinna voru svartar doppur í barnaherbergjum á hverju bloggi :) Gaman að því :) Verst að barnið mitt hafði ekki smekk fyrir þessu... 

Fallega ferskjubleikt herbergi gæti virkað :) 

Eða kannski veggfóðra ég bara... ? 

Ferskjubleikt... og ekki allur veggurinn. 

Einn lítill bleikur hringur sem má kríta á? ;) 

Nokkuð góð hugmynd :) 

Eftir smá eftirgrennslan hef ég komist að því að grár er mjög vinsæll litur í barnaherbergi. 

Kannski að eldri stelpan fái einn svona gráan vegg. 

Þetta er mjög fallegt herbergi :) 

Skemmtilegt mynstur sem má setja bleikan lit í :) 

Mjólkurbúið

Mjólkurbúið er ný og skemmtileg barnavöru- og lífsstílsbúð. Búðin er eins og er eingöngu á netinu en í netversluninni er margt fallegt og skemmtilegt að sjá. 

Á facebook síðu búðarinnar segir að Mjólkurbúið sé lífstílsverslun fyrir vandláta foreldra, en þar má finna mikið af fallegum og vönduðum vörum. Meðal annars þennan forkunnafagra lampa sem má sjá hér fyrir ofan. Lampinn nefnist Miffy og er hannaður af hollenska hönnunarteyminu Mr. Maria. Þessi lampi er gjörsamlega að gera allt vitlaust í barnaherbergja-hönnun þessa dagana og er að birtast allstaðar í bæði tímaritum og bloggum sem fjalla um hönnun. 

Hér fyrir neðan má sjá þær fallegu vörur sem ég heillaðist að... en ég gat ekki valið hvaða poster mér fannst fallegastur...svo ég sleppti bara að birta mynd af því. Þið skoðið það bara sjálf með því að klikka á link búðarinnar :) 

Jóla-pakka dagatal.

Ég er þessa dagana að undirbúa pakkadagatal fyrir börnin mín. Ég hef aldrei gert svona pakkadagatal áður, en mig hefur alltaf langað til þess. Núna ætla ég að prufa þetta sjá hvernig þetta gengur. Það eina sem ég er búin að gera er að kaupa hluta af pökkunum, pakka þeim inn og merkja.... og nú er ég að velta fyrir mér uppsetningu og hvar ég vil hafa herlegheitin. 

Ég held að einn veggur í stofunni verði fyrir valinu og líklega mun ég nota svona frekar þykka grein, jólaljós og band í þetta. 

Mig langar svo í svona röndótt pakkabönd... veit einhver hvar ég fæ svoleiðis? (svona eins og er hér á myndinni fyrir ofan... svart og hvítt eða rautt og hvítt)

En endilega skoðið myndirnar sem ég hef sankað að mér...vonandi fáið þið innblástur og gerið skemmtilegt pakkadagatal ;) 

Ef þið gerið eitt slíkt þá megið þið alveg endilega senda mér myndir af ykkar útfærslu. Það væri gaman!