Heimilis-innblástur

Á miðvikudegi sem þessum, þar sem ég sit við eldhúsborðið og læri og hlusta á rokið úti þá er um að gera að taka sér pásu og skoða fallegar myndir. Hér eru nokkrar myndir sem veita mér örlítinn heimilis-innblástur. Ég held að ég verði að fara að fá mér fallega plöntu í pott til þess að lífga uppá stofuna mína. Það er ótrúlega fallegt að hafa smá grænt með.

Seinnipartinn ætla ég svo að skunda til Reykjavíkur, draga í mig smá menningu, kíkja í miðbæinn og enda svo í saumaklúbb með skemmtilegustu skvísum landsins þó víðar væri leitað. Tilhlökkun er á háu stigi...enda hef ég bara setið heima í náttbuxum að skrifa ritgerð síðustu daga. Morkn. 

Marmara ást

Ég er eitthvað svo yfir mig spennt fyrir marmara þessa dagana. Ég bara nánast ræð ekki við mig þegar ég skoða myndir og læt mig dreyma um þessa rándýru steintegund. 

Þess vegna voðalega heppin þegar ég kíkti í Búkollu - nytjamarkað í síðustu viku. Ég rakst á þessa agnarsmáu og ótrúlega fallegu marmarakrukku sem má sjá hér á myndinni fyrir ofan. Hjartað á mér tók smá auka kipp þegar ég tók krukkuna sem kostaði aðeins 250kr. Kostakaup á fallegri vöru. Krukkan fékk það hlutverk að geyma saltflögur við hliðiná piparkvörninni við eldamaskínuna mína og hefur mikið verið notuð á þessum stutta tíma sem ég hef átt hana. Fyrir ykkur hin þá var til önnur svona sem ég tók ekki vegna þess að það var örlítið búið að kvarnast uppúr henni. Sumir setja það svosem ekki fyrir sig... það var ekki mikið kvarn. 

En afþví ég er með marmara ást þá læt ég fylgja nokkrar fallegar myndir af marmara á heimilum. 

Ég er sjúk í flísarnar hér á myndinni fyrir neðan!

Fyrir/ eftir - Stofuveggurinn.

Ég keypti þennan fagra gamla skenk fyrr á þessu ári og hef verið að velta veggnum fyrir ofan skenkinn mikið fyrir mér. Vildi ég setja hillur eða vildi ég hengja upp myndasafn, mála vegginn í lit eða ekki...? Miklar pælingar og ég er búin að sofa ansi mikið á þessu. Nú nýlega ákvað ég að hengja upp samansafn af fallegum myndum og skrauti eftir ættingja, íslenska listamenn og hönnuði. 

Hér fyrir ofan má sjá hvernig veggurinn hefur verið nánast frá því að skenkurinn var keyptur og fyrir neðan má sjá hvernig hann er núna. 

Stóra myndin með rauða hestinum er eftir Nínu Dögg dóttir mína en hún málaði þessa mynd þegar hún var 4 ára að verða 5 ára gömul í leikskólanum. Ég heillaðist strax af þessari mynd og lét ramma hana inn *stolt*.  Brúna spýtan vinstra megin við stóru myndina (sést betur hérna fyrir neðan) er spýta sem ég fékk að eiga hjá steinsmiðjunni S. Helgason í einhverri heimsókninni þangað. Spýtan hefur fylgt mér í nokkur ár en aldrei átt neinn sérstakan samastað þar til núna. Ég elska hana svolítið mikið. 

Hvíti diskurinn fyrir neðan spýtuna er eftir ungan sænskan hönnuð og hefur að geyma spor eftir fugl sem borðaði af disknum. Jón í lit trónir þarna efst fyrir ofan fallegu myndina eftir Unni Jónsdóttur listakonu. Málverkið í brúnu tónunum er svo eftir hann fænda minn Vigni Jóhannson listmálara en myndirnar hans fást m.a. í Gallerí List í Skipholtinu. Myndin sem er innrömmuð með gulu límbandi á vegginn er mynd sem fylgdi með einhverju blaði sem ég keypti. 

Vörubretti.

Það má nýta vörubretti á ýmsan hátt. Hér má sjá 2 skemmtilegar hugmyndir um það hvernig má nota þennan ódýra efnivið til þess að búa til eitthvað mjög smart heimavið...eða í bústaðinum.

Vörubretti má fá útum allt hér á landi. Hjá öllum helstu framleiðslufyrirtækjum og fluttningafyrirtækjum. - mig langar mest að búa til sófa á pallinn með vörubrettum.

 Hver veit? Kannski verður eitthvað svoleiðis komið á pallinn næsta sumar :) 

Bloomingville

Ég kíkti í saumaklúbb til góðrar vinkonu í gær og sá þar þessar fallegu hillur frá Bloomingville uppá vegg hjá henni. Hillurnar eru ofsalega fallegar og komu rosalega vel út á veggnum hjá Elfu enda mikil smekk manneskja þar á ferð :) 

Hillurnar fást í Hrím hönnunarhús og Húsgagnahöllinni og svo má skoða allt það fallega sem fæst undir merkinu Bloomingville á heimasíðunni þeirra. 

Hér fyrir neðan má sjá nokkra fallega hluti frá Bloomingville sem ég varð svolítið skotin í  :) 

Góða helgi gott fólk.

Lærke Langballe keramik

Hreint út sagt æðislegar keramik vörur Lærke Langballe. Hún er svo til nýútskrifuð úr keramik deild Aarhus Kunstakademi. Hún er 24 ára og býr í Aarhús þar sem hún er með vinnustudioið sitt.

Hún gerir meðal annars svona ótrúlega skemmtilega bakka með hinum ýmsu dýrum á. Hægt er að fá þá alveg hvíta eða með mismunandi litum og eða munstri á.

Svo gerir hún vasa, sem eru kjörnir undir blómin sem oft eru týnd af fólkinu með minnstu hendurnar á þessum árstíma. Vasarnir eru líka kertastjakar, þannig að þeir geta fengið annað hlutverk í skammdeginu. Skemmtilegir mjúkir litir sem hún notar.

 

Hér er svo myndin sem hreif mig í tímaritinu og fékk mig upphaflega til að fara á stúfana og finna meira um hana Længe.

Ég er hrikalega skotin í því sem hún gerir og sé meira að segja fyrir stað í stofunni hjá  mér fyrir vasana hennar og dýrabakka.

Moth ljós

Ég hef lengi haldið upp á Moth ljósin frá Hollenska hönnunarteyminu Studio Snowpuppe. Mér þykja þau hreint út sagt æðisleg. Litirnir og formið á þeim höfða einstaklega mikið til mín.

Verði þið ekki æst í þau líka?
Þau fást meira að segja á Íslandi, í netversluninni KRÚNK. Mér skilst að Krúnk verði á Glæsimarkaðnum um helgina. Mikið sem mig langar að fara og kíkja, kannski maður láti verða af því.

 Þetta er úr nýjustu línunni þeirra, ég á eiginlega ekki orð yfir hvað mér þykir þetta flott.

Falleg íbúð í Gautaborg.

Þessi fallega íbúð er staðsett í Gautaborg. En það sem að náði áhuga mínum í þessari íbúð eru svalirnar. Eigendunum hefur tekist að gera þetta litla útisvæði alveg einstaklega kósý og fallegt.  Oft finnst mér svalir (þá sérstaklega hérna á íslandi) vara frekar kuldalegar og gráar. En að hafa sófa og mottu úti gerir alveg rosalega mikið. Góð stækkun á íbúðinni. 

Nýtt í stofuna mína.

Um helgina var þessi gamli skenkur ættleiddur af okkur hjónaleysunum á heimilinu. Honum var komið fyrir á vegg sem hefur verið að bíða eftir honum. Því hefur veggurinn staðið auður, hvítur og leiðinlegur allt frá því við fluttum inn í húsið fyrir þremur árum... sem eru slæmar fréttir frá hönnuði!

En nú er loks búið að bæta þetta upp og gott betur því í dag fylgdi mér heim einn platti af fallega grænum JÓN Í LIT sem ég fékk í Gjafavöruversluninni @home hér á Skaganum. Ætla mér reyndar að eignast þrjá.. allt er þegar þrennt er ;) 

Plattinn á að fara á vegginn fyrir ofan skenkinn ásamt málverkinu sem er innrammað þarna... sem er eftir dóttir okkar. En það allt gerist þegar að myndlistasýningin á veggnum er yfirstaðin ;) 

Ahhh... svo gott að fá eitthvað á vegginn... verður svo kósý ;) 

Kannski að það komi önnur mynd inn þegar veggurinn verður klár... aldrei að vita ;) 

Pastel litir á heimilið :)

Ég er mikill aðdáandi lita á heimilið. Ég er ein af þeim sem vil hafa liti í kringum mig. 

Pastel litir hafa verið mjög heitir uppá síðkastið og verða það líklega eitthvað áfram.. mér til mikillar lukku :) Ég elska pastel liti :) 

Hér fyrir neðan eru nokkrar myndir þar sem pastel litir púslast fallega inn á heimili í allskonar formum :) 

Svoo fallegt!