Páskarnir og Instagram

Páskarnir voru bara dásamlegir hér á bæ. Ég byrjaði páskafríið á dásamlegu brúðkaupi hjá vinum, því næst fékk ég fallega vinkonuhópinn minn í heimsókn eina kvöldstund svo fór ég með börnum og burtu vestur í Dalina í tvær nætur að njóta náttúrunnar (tók engar myndir því ég lyfti hvorki upp myndavél né síma allan tímann....var bara að njóta) og svo var það home sweet home með fjölskyldunni yfir hátíðina sjálfa. Heimilið var mjög gult og sumarlegt þessa daga eins og myndirnar bera með sér en eiginlega allt páskaskraut sem til er á heimilinu hefur komið heim af leikskólanum með börnunum. Uppáhalds páskaskrautið er að sjálfsögðu eftir dóttur mína en það eru páskaliljur gerðar úr eggjabökkum. Ótrúlega fallegar ;) 

Ég tók nokkrar myndir yfir páskana og setti á Instagram síðu hugmyndasvampsins en ef þið eruð á Instagram þá getið þið elt mig hér. 

Ég vona að þið hafið átt ljúfa páska líka ;) 

Eldhúsið komið í páskagírinn

Bragðgóðar páska-bollakökur

og

uppáhalds páskaliljurnar eftir Heklu Dís í vinsælasta vasa landsins ;) 

Dagatalið 2014

Ég er búin að hugsa síðan á áramótum að nú sé árið komið sem ég bý til mitt eigið dagatal. Ég hef verið að leita mér að innblæstri hér og þar og svo loks ákvað ég að mitt dagatal yrði að vera svolítið ekta ég. Þar sem Múlalundur hefur "óvart" verið viðriðinn mörg af mínum verkefnum í gegnum tíðina þá fannst mér nú bara alveg sjálfsagt að nota möppuspjald undir dagatalið mitt. 

Og hvenær er besti tíminn til að dunda í dagatali í illustrator ef ekki þegar maður á að vera að læra? Maður spyr sig... ?  

....þannig að, á meðan ég setti saman þetta "ekta ég" dagatal, 

þá beið bara mastersritgerðin mín róleg. 

Þekkir þetta einhver annar en ég?

Marmara ást

Ég er eitthvað svo yfir mig spennt fyrir marmara þessa dagana. Ég bara nánast ræð ekki við mig þegar ég skoða myndir og læt mig dreyma um þessa rándýru steintegund. 

Þess vegna voðalega heppin þegar ég kíkti í Búkollu - nytjamarkað í síðustu viku. Ég rakst á þessa agnarsmáu og ótrúlega fallegu marmarakrukku sem má sjá hér á myndinni fyrir ofan. Hjartað á mér tók smá auka kipp þegar ég tók krukkuna sem kostaði aðeins 250kr. Kostakaup á fallegri vöru. Krukkan fékk það hlutverk að geyma saltflögur við hliðiná piparkvörninni við eldamaskínuna mína og hefur mikið verið notuð á þessum stutta tíma sem ég hef átt hana. Fyrir ykkur hin þá var til önnur svona sem ég tók ekki vegna þess að það var örlítið búið að kvarnast uppúr henni. Sumir setja það svosem ekki fyrir sig... það var ekki mikið kvarn. 

En afþví ég er með marmara ást þá læt ég fylgja nokkrar fallegar myndir af marmara á heimilum. 

Ég er sjúk í flísarnar hér á myndinni fyrir neðan!

Jólin á Instagram

Já elskurnar mínar. Hugmyndasvampurinn er á Instagram. Sem er svo skemmtilegt því að þá er hægt að mynda og deila fallegum hlutum strax... og safna fallegum myndum af fallegum hlutum. List og menningu, hönnun og góðum hugmyndum og öllu þar á milli :) 

Endilega fylgist með okkur hér: Hugmynda-instagrammið

En eins og þið sjáið þá er ég aðeins farin að pakka inn gjöfunum. Skrautið á pakkana fékk ég í Söstrene Grene. :) 

Framkallað af instagram

Ég einfaldlega verð að segja ykkur frá fyrirtæki sem ég fann hér á veraldarvefnum sem heitir Printstagram. En þetta fyrirtæki spratt upp út frá Instagram æðinu sem gengur yfir heiminn og er svo skemmtilegt. 

Fyrirtækið sérhæfir sig í að framkalla myndirnar þínar af instagram í góðum gæðum á fínu verði.

Þeir bjóða líka uppá að útfæra fyrir þig myndirnar með því að setja þær í litlar myndabækur, á plaggöt eða í myndaramma o.s.frv. - svo prenta þeir myndirnar ferkantaðar í 2 stærðum ef þú vilt fá þetta alltsaman bara í lausu. Svo er þetta bara sent heim að dyrum. 

Ég held að ég prufi þessa snilld ;) 

Flóamarkaður

Ég kíkti á bílskúrssölu í gær hér á Akranesi. En salan er einskonar flóamarkaður sem er opinn einu sinni í mánuði. Í bílskúrnum á Heiðarbraut 33. 

Ég get ekki annað sagt en að ég elski að kíkja þangað.  Þar má finna hinar ýmsu gersemar allt frá fallegum púðum og bollum yfir í gömul og skemmtileg leikföng. 

Ég veit að það er opið hjá þeim í dag frá 13 - 17 ef einhver vill leggja leið sína þangað og gramsa :) 

Ég verslaði þarna nokkra fallega og skemmtilega hluti sem fá kannski að rata á bloggið þegar húsið mitt er komið í stand. En hér standa yfir framkvæmdir og allt er í ryki og drullu. Vei!

Notað verður nýtt.

Jæja, þá mun bloggleysið hætta. Nýja tölvan mín reyndist vera örlítið gölluð, en hún var að koma úr viðgerð og þá er hægt að fara að skrifa um allt það sem hlaðist hefur upp hérna á skrifborðinu hjá mér :)

Systir mín á 11 stk. af svona gömlum eldhússtólum sem við erum að lappa uppá.  Við erum að hugsa um að mála helminginn af stólunum hvíta og hafa helminginn af þeim gráa.  Eftir að búið er að mála stólana lífga þeir aldeilis mikið uppá "stofuna" í gamla húsinu sem hún og maðurinn hennar eru að gera upp í sveitinni. Húsið sem þau byrjuðu að taka í gegn vorið 2012 leit út eins og eyðibýli til að byrja með en er að taka hægt og rólega á sig betri mynd. - ég leyfi ykkur að fylgjast með breytingum þar bráðum þegar búið er að klára að múra og mála :) 

Instagram

Ágústmánuður formlega hafinn, margir búnir með sumarfríið sitt en aðrir kannski rétt að byrja. Við vonum að þeir lesendur okkar sem voru á ferðinni um helgina hafið skemmt sér vel og komist klakklaust heim.

Ef þið eruð á Instagram endilega fylgist með Hugmyndasvampinum. 

Allra handa sniðugt sem hægt er að sjá þar.

Songbirds

Þetta er Sunshine, hann er handmálaður fugl úr beykivið. Hann er einn af 6 fuglum í Songbird seríu Kay Bojesen Denmark.

Ég var tilneydd til að finna mér gjöf í Epal, það þótti mér ekki leiðinlegt, samt frekar erfitt þar sem það er til svo ótrúlega mikið af klassískri og fallegri hönnun þar. Ég endaði á að velja mér Sunshine. Ég hef sjaldan verið jafn lukkuleg með hlut með eins lítið notagildi og hann hefur blessaður. Augnakonfekt er hann þó og kallar hann hátt og snjallt eftir restinni úr fjölskyldunni sinni. Maðurinn minn er nokkuð öruggur með gjafir næstu ára fyrir mig get ég sagt.

Fuglarnir voru upphaflega teiknaðir af Bojesen í kringum 1950. Þeir litu þó ekki dagsins ljós fyrr en í fyrra. 

Hér í röð eru þeir, Otto-Ruth-Sunshine-Kay-Peter og Pop

 Hugmyndasvampurinn er á Instagram

Instagram

Ég er orðin pínulítið forfallinn instagrammari ;) Enda skemmtilegt að nota þetta app og svo er síminn alltaf við höndina til þess að taka einhverja sniðuga og fallega mynd. 

Hér fyrir neðan eru nokkrar skemmtilegar myndir sem ég hef tekið á nýja árinu.

Listaverkasýning hjá dætrum mínum í stofunni - uppáhalds. 

Nína Dögg að leika úti í kuldanum

Stígvélaða fjölskyldan. - hér er til alltof mikið af stígvélum!

Neró - fallegasti Labradorinn ;) 

Skemmtileg mynd af flottum börnum sem öll voru á leið að sjá Dýrin í Hálsaskógi :)