DIY: Heimagerðir kertakrukkustjakar

Í síðustu viku fór ég að dunda mér með póstulínspenna á meðan ég beið eftir að kvöldmaturinn eldaðist. Ég ákvað að prufa að teikna á eina af þessum fjölmörgu krukkum sem hafa safnast saman heima hjá mér og gerði lítið þorp með jólastjörnu og snjókomu. Stelpurnar mínar fengu að sjálfsögðu líka að teikna sín listaverk en þær eru 9 og 4 ára. Við mæðgur sátum því saman í kósý stemmningu og gerðum jóla-kertastjaka. Listaverkin sem dætur mínar gerður voru að sjálfsögðu æðisleg og útkoman var þessir líka afskaplega fallegu og jólalegu kertastjakar. 

Eldri stelpan mín fór að sjálfsögðu að framleiða kertastjakana í nokkru mæli og ákvað að þetta yrði jólagjöfin frá henni í ár handa öllum sem hana langaði að gefa jólagjafir. 

Það sem þarf í þetta er ekki kostnaðarsamt en póstulínspennin fæst í föndru og kostar 995 krónur og svo eru það bara fallegu krukkurnar. Ég sýni ykkur þetta svona hrátt og eins og það lítur út eftir að teikningin hefur verið gerð, en auðvitað má setja á krukkuna borða eða falleg bönd, jólagrein eða köngul og gera þannig krukkurnar hátíðlegri (sem verður næst á dagskrá hjá okkur).

Hér fyrir neðan má sjá krukkurnar komnar á sína staði á heimilinu með kertaljósi og kósýheitum. 

Hvað er náttúrulegra heimili?

Nú ætla ég að reyna að koma eftirfarandi frá mér, án þess að það hljómi eins og fiðrildaprump og grænar hljóðbylgjur.

Fyrir skömmu var stofnaður hópur á Facebook, Náttúrulegra heimili.
Nafnið segir sig sjálft en þetta er eitthvað sem ég fór ekki að spá í af neinni alvöru fyrr en ég eignaðist barn. Vilja ekki allir það besta fyrir börnin sín? -Það besta er ekki það dýrasta.
Það er til aragrúi af álíka hópum en ég hef ekki fundið neinn á íslensku, fyrir íslenskar aðstæður.
Það er alltaf gaman að vera í félagsskap fólks sem spáir í svipuðum hlutum og þú. Það er enn skemmtilegra að vera í hópi sem hefur hvetjandi áhrif á þig.
Þrátt fyrir að hópurinn sé nýr ennþá þá hefur margt skemmtilegt og fræðandi verið rætt um. Þú þarft ekki að vera græn/n í gegn til að vera með.

Maíspokarnir sem eru nú loksins að birtast sem valmöguleiki í stað plast innkaupapoka við kassa í mörgum af stóru matvöruverslununum hafa verið ræddir.

Meðlimir hafa líka deilt uppskriftum af uppáhalds DIY hreinlætisvörunum sínum og það á eflaust margt eftir að bætast við. Ég er mjög spennt að prófa uppskrift af þessum líkamsskrúbbi:

Að "vera grænni" snýst ekki bara um að þvo ruslið og stafla því saman í eldhúsinu.
Það er hægt að gera svo miklu meira OG þú gætir bætt heilsuna og sparað í leiðinni. Því fylgir líka góð tilfinning, að finnast þú vera að gera eitthvað örlítið betur. Fyrir utan það að kenna börnunum betri siði.

- Borða betri mat og minnka aukaefnin sem heimilisfólkið þitt innbyrðir

• Að gefa sér aðeins meiri tíma í að útbúa matinn frá grunni.

- Nota hreinni hreinsivörur fyrir heimilið og líkamann

• Geturðu borið fram öll efnin sem snerta húðina á hverjum degi?

• Finnst þér það í lagi?

- Nota þína eigin orku meira til að komast á milli staða þegar þú getur, í stað bílsins.

• Hitaeiningar í stað mengunar

- Kaupa notaða hluti og gera að þínum eigin

Þú þarft ekki að gera allt í einu. Margt smátt gerir eitt stórt og allt það.
Það er alltaf gott að muna að góður göngutúr byrjar á einu skrefi.

Bourgie

Þótt ótrúlegt megi virðast þá eru komin 10 ár síðan Bourgie lampinn frá Kartell kom fyrst á markað. Lampinn er hannaður af ítalanum Ferruccio Laviani. 

Í tilefni af 10 ára afmæli lampanns fagra þá bauð Kartell 14 flottum hönnuðum og hönnunarteymum að vinna með lampann á þeirra eigin hátt. Útkoma hönnuðanna var hreint út sagt frábær og margar fallegar útgáfur af lampanum litu dagsins ljós... en líka margar steiktar :) 

Lamparnir sem hönnuðirnir gerðu verða svo sýndir  í Maison&Objet í París og síðar mun sýningin ferðast um. 

Uppáhalds lampinn minn er hér að ofan og er eftir sænksa hönnunarteymið Front Design. Þær stöllur í Front hituðu lampann upp og mótuðu hann aftur þannig að það kom einhver ótrúlegur karakter í lampann. 

Hér fáið þið að sjá mínar uppáhalds útkomur :) 

Fyrir ofan: Christophe Pillet

Fyrir neðan: Patrick Jouin

 - á lampanum stendur: 

"The Future is a Present From The Past!"

Fyrir ofan: Ludovica + Roberto Palomba

Restina af lömpunum má skoða HÉR.

Vörubretti.

Það má nýta vörubretti á ýmsan hátt. Hér má sjá 2 skemmtilegar hugmyndir um það hvernig má nota þennan ódýra efnivið til þess að búa til eitthvað mjög smart heimavið...eða í bústaðinum.

Vörubretti má fá útum allt hér á landi. Hjá öllum helstu framleiðslufyrirtækjum og fluttningafyrirtækjum. - mig langar mest að búa til sófa á pallinn með vörubrettum.

 Hver veit? Kannski verður eitthvað svoleiðis komið á pallinn næsta sumar :) 

Notað verður nýtt.

Jæja, þá mun bloggleysið hætta. Nýja tölvan mín reyndist vera örlítið gölluð, en hún var að koma úr viðgerð og þá er hægt að fara að skrifa um allt það sem hlaðist hefur upp hérna á skrifborðinu hjá mér :)

Systir mín á 11 stk. af svona gömlum eldhússtólum sem við erum að lappa uppá.  Við erum að hugsa um að mála helminginn af stólunum hvíta og hafa helminginn af þeim gráa.  Eftir að búið er að mála stólana lífga þeir aldeilis mikið uppá "stofuna" í gamla húsinu sem hún og maðurinn hennar eru að gera upp í sveitinni. Húsið sem þau byrjuðu að taka í gegn vorið 2012 leit út eins og eyðibýli til að byrja með en er að taka hægt og rólega á sig betri mynd. - ég leyfi ykkur að fylgjast með breytingum þar bráðum þegar búið er að klára að múra og mála :) 

Baðherbergið

Að nota gamlan tekk skenk sem vaskborð finnst mér mjög flott hugmynd :) 

Hvað finnst ykkur?

Sokkabuxur - Pullur

Ég er búin að vera að safna slitnum sokkabuxum í svolítinn tíma. Bæði frá mínum eigin börnum,  börnum vinkvenna og frá börnum mæðra úr mömmuhópi sem systir mín er í. 

Núna í seinustu viku var ég að klára áfanga í skólanum sem nefnist Listir og Sjálfbærni, þar sem megin atriði áfangans er að kenna okkur að kenna sjálfbærni í gegnum listir án þess að vera að predika. 

Rosalega skemmtilegur áfangi sem ég mæli hiklaust með. Þetta er áfangi opinn öllum í LHÍ, svo það er hægt að borga sig bara inn í þennan eina áfanga. 

Lokaverkefnin í áfanganum voru tvö. Eitt hópaverkefni og eitt einstaklingsverkefni. Einstaklingsverkefnið mátti vera verk eða greinagerð eftir sjálf okkur þar sem sjálfbærni kemur við sögu. 

Ég ákvað að nota sokkabuxurnar sem voru búnar að safnast upp í dágóða hrúgu inní skáp og búa til eitthvað. 

Útkoman var þessi bláa pulla í barnastærð. En pullan er eingöngu búin til úr sokkabuxum sem ég flétta saman og innan í er pullan fyllt upp með ónýtum fötum af dætrum mínum. 

Neðri pullan er hnykill gerður úr fullt af stelpu-sokkabuxum. 

Það má alveg gefa gömlum druslum nýtt líf með einhverjum skemmtilegum hugmyndum :) 

GlerKrukkur

Það má ýmislegt nota gömlu krukkurnar í geymslunni í :) 

Mér finnst eitthvað svo rómantískt og fallegt að gera úr þeim svona blómapotta fyrir kryddjurtirnar. 

Kannski að maður planti niður næsta vor í krukkur :) 

Bókahillan

Jæja... þá er þetta stutta frí á enda :) 

Nú detta inn bloggin aftur af...ja....svona þokkalegu krafti...svona miðað við það að það er sumar og skemmtilegt að vera úti :) 

Þetta er svolítið sniðug geymsla sem er vel falin :) 

Það er nú ekki flókið að föndra svona inní bókahilluna og fela þar einhverjar gersemar :) 

Spegill Spegill...

Ég tók mig til í gær og spreyjaði gamlan spegil. 

Og þar sem ég elska rauðann þá fékk rauður að fara á spegilinn :) 

Þessi blessaði spegill er búinn að vera að þvælast fyrir mér síðan ég flutti að heimann, en ég hafði hann í ugnlingaherberginu mínu :) 

Hann er eldgamall og var brúnn og gyltur á litinn. 

Því miður þá gleymdi ég að taka af honum "Fyrir" mynd...en þið bara ímyndið ykkur hvernig hann var ljótur og leiðinlegur á litinn :) 

Nú rokkar hann upp símaborðið mitt ásamt sænskum hesti og Gljúfrabúanum. 

(því miður fæst Gljúfrabúinn ekki í Epal... dóttir mín gerði hann :) )

Nú elska ég spegilinn aftur :) 

Frítími

Fólk gerir ýmislegt í frítíma sínum.

Ég rakst á svipað verkefni og listamenn í París gerðu. Þar sem þeir settu garn í götuholur.

Maður að nafni Jan Vormann fór að setja legokubba í sprungna veggi. Það vatt svo upp á sig og úr varð Dispatchwork. Sem hefur farið víða um heiminn og fjölmargir tekið þátt.

Toulouse í Frakklandi

Tarragona í Kataloníu á Spáni

Tel Aviv í Ísrael

Bocchignano á Ítalíu

Belgrad í Serbíu

Amsterdam í Hollandi

Nú þarf einhver að taka það að sér að koma þessu til Íslands.

DIY: Gull og gimsteinar :)

Það má alveg endurnýta gamalt dót úr barnaherberginu í eitthvað svona skemmtilegt :) 

Fallegt en öðruvísi hálsmen er eitthvað sem allar stelpur vilja eiga... og ekki er verra ef það hefur eitthvað tilfinningalegt gildi... gamalt leikfang sem maður átti þegar maður var lítill... svo er líka skemmtilegra að bera skratið þegar maður hefur búið það til sjálfur :) 

Þetta mun ég pottþétt prufa að gera!

Þetta segir sig eiginlega bara sjálft hvernig þetta er gert... munið bara að grunna áður en þið spreyið :)

Góða helgi :)

Þetta finnst mér fallegt og skemmtilegt jólaskraut sem hægt er að gera með börnunum.

Á efri myndinni þarf til glært einnota plastmál, spotta/borða og jafnvel perlur, einnota hvíta glasamottur, lím  og eitthvað fallegt til að setja inní ;)

og á neðri mynd þarf gamla sokka (fyrir húfu), tómar klósettrúllu og málningu ásamt einhverju skrauti sem hver og einn velur að setja á :) 

flott og skemmtilegt fyrir lítinn pening og skemmtilegar minningar sem skapast :) 

svo skemmir ekki fyrir að þetta er svo góð endurvinnsla :) 

Endurnýtingar snilld :)

Ég sá þetta á síðunni hjá stelpunum í Ígló kids og get ekki sagt annað en að þetta sé bara ótrúlega góð endurnýting á gömlum og ljótum fingravetlingum :)

Endilega prófið:)

Vantar þig hillur?

þetta er nú bara ágæt hugmynd að hillum fyrir heimilið.... og hægt að nálgast allskonar borð bæði í Búkollu, á Akranesi og svo í Góða hirðinum í Rvk... svo þarf maður að hafa sög og fallega málningu:)

bækur fá nýtt hlutverk :) framhald...

hverjum hefur ekki dottið þetta í hug?? ... þetta er ótrúlega fyndin hugmynd:) algjör endurnýting... bókin er framleidd út tré og hýsir svo blómin:) flott fyrir kryddjurtirnar:)

Bækur fá nýtt hlutverk :)

þar sem ég er áhugamanneskja um endurvinnslu og vildi óska þess að allir myndu hugsa vel um umhverfið og hugsa um hvað það er að setja í ruslið o.s.frv. þá er nú bara skylda að koma með sniðugar hugmyndir um hvernig hægt er að endurnýta hlutina heima hjá sér:)

- þetta er nú örugglega ekkert flókið...og skemmtileg hugmynd:) ég væri alveg til í að eiga tvær þrjár bóka-töskur:) - langar í nestu töskuna: History of art :)

kannski er þetta bara jólagjöfin í ár:)

Notum gömlu ljótu möppurnar okkar...

og búum til eitthvað skemmtilegt:)

draumurinn

Mikið ofsalega væri ég til í að eiga þetta hús! og mesta snilldin að mínu mati er þessi sundlaug sem er vatnstankur - endurnýttur sem sundlaug og pallurinn byggður svona flott í kring! 

Heillandi!

Hér er hægt að skoða þennan draumastað betur

og svo varð ljós...

hver kannast ekki við keðju-flækjuna í skartgripaskrínum?

mér finnst þetta ótrúlega skemmtileg og falleg ljós, búin til úr gömlum skartgripum.... það myndir eina stór skart-flækju!

ljósin fást hér